Southampton iu bashkua Leicester Cityt dhe Ipswich Town duke qenë tre skuadrat që sezonin e ri do jenë pjesë e Premier League në Angli. Nëse Leicester dhe Ipswich e kishin siguruar ngjitjen në elitën e futbollit anglez javë më parë, Southampton mori biletën e vetme të mbetur pasditen e së dielës.
Në "Wembley" Southampton fitoi 1-0 kundër Leeds në finalen play-off për të merituar pas një sezoni rikthimin mes më të mirëve të futbollit në Angli. Një gol i Adam Armstrong në minutën e 24-t bëri që "Shenjtorët" e trajnerit Russell Martin të fitonin promovimin.
Kjo fitore bëri të mundur që Southampton të sigurojë edhe një çek të rëndësishëm për të investuar në merkato, pasi falë ndarjes së të drejtave televizive në Premier League, do të sigurojë 150 milionë euro.
Kujtojmë se Luton, Burnley dhe Sheffield u rrëzuan nga Premier League, duke u zëvendësuar nga tre ekipet më sipër dhe kështu elita angleze kompletohet për sezonin 2024-25.
S.DH/ReportTv.al![](https://www.report-tv.al/template/img/antipiracynote.jpg)