TIRANË- Partia Demokratike këmbëngul që Parlamenti Europian ka vendosur 15 kushte për integrimin në BE-së, dhe sipas tyre këto kushte nuk janë për Shqipërinë, por për Edi Ramën.
Nëpërmjet nënkryetarit Edmond Spaho, demokratët akuzojnë kryeministrin Edi Rama se gjate qeverisjes së tij, vendi është larguar nga Europa.
Mosfunksionimi i Gjykatës Kushtetuese, por edhe ligji Anti- Shpifje, për të cilin Komisioni i Venecias doli kundër, i cilëson si "vepra" të kreut të qeverisë dhe fajtorin kryesor për shtimin të kushteve.
"Opinionet e fundit të Komisionit të Venecias, për Gjykatën Kushtetuese dhe për ligjin e censurës së medias, provuan se 15 kushtet e integrimit nuk janë për Shqipërinë, por për Edi Ramën. Me Edi Ramën në krye të qeverisë, Shqipëria ka mbetur shumë mbrapa me integrimin europian të vendit, ka mbetur shumë mbrapa me krijimin e kushteve që qytetarët shqiptarë të gëzojnë të njëjtat të drejta si qytetarët europianë. Edhe dje, vendimi i Parlamentit Europian për 15 kushtet përpara nisjes së negociatave, provoi se me Edi Ramën, shqiptarët vetëm humbasin kohë të çmuar. Kushtet për hapjen e negociatave vetëm sa shtohen nga viti në vit.
Kur mori pushtetin ishin vetëm 3, tani janë 15 kushte për t’u plotësuar, në mënyrë që Shqipëria të nisë bisedimet për anëtarësim. Opinionet e fundit të Komisionit të Venecias, për Gjykatën Kushtetuese dhe për ligjin e censurës së medias, provuan se 15 kushtet e integrimit nuk janë për Shqipërinë, por për Edi Ramën. Ligji i censurës është vepër e tij. Bllokimi i Gjykatës Kushtetuese është, gjithashtu, vepër e tij me qëllim kapjen e saj. Të dyja janë pjesë e 15 kushteve të vendosura nga Bashkimi Europian, të cilat lidhen edhe me një kusht të tretë. Është Gjykata Kushtetuese ajo që do të vendosë për legjitimitetin e votimeve të 30 Qershorit të vitit të kaluar. Prandaj Edi Rama e bllokoi dhe nisi konfliktin me Presidentin, derisa të sigurohej se skema e grabitjes së vendeve në Gjykatë Kushtetuese dhe kapja e saj do të funskiononte.
Sa më gjatë pa Gjykatë Kushtetuese, sa më gjatë me gjyqtarë nën presion, aq më shumë përfiton Rama me vendimet e paligjshme, aq më shumë mbetemi peng në rrugën tonë drejt Bashkimit Europian. Me vendimin e vet, Komisioni i Venecias e faktoi synimin e Edi Ramës për të kapur çdo organ të sistemit të drejtësisë, duke i grabitur Presidentit të drejtën kushtetuese për emërimin e anëtarëve në Gjykatën Kushtetuese. Presidenti ka meritën se qëndroi në mbrojtje të Kushtetutës dhe nuk iu nënshtrua presionit kriminal të regjimit në ikje për kapjen e Gjykatës Kushtetuese. Për të fshehur të vërteta e keqqeverisjes së tij, Edi Rama tentoi t’i mbyllë gojën medias me ligjin e censurës. Njeriu që kontrollon pjesën më të madhe të televizioneve, me ligjin antidemokratik të censurës tentoi të mbajë nën presion edhe median online.
Edhe kjo tentativë antidemokratike e kryeministrit të kalbur nga korrupsioni 8 vjeçar, u frenua nga Komisioni i Venecias, duke i dhënë Shqipërisë shansin të përmbushë 2 nga 15 kushtet për hapjen e negociatave. Shqiptarët e kanë kuptuar se Edi Rama nuk ka ndërmend ta bëjë këtë, sepse ai nuk e do integrimin. Ai e ka zhytur vendin në një krizë të thellë ekonomike dhe politike. Të drejtat e qytetarëve nuk respektohen, vendet e punës janë të pasigurta, sepse qeveria dhe kryeministri i vendit janë lidhur dhe i shërbejnë një oligarkësh dhe kriminelësh, që mbajnë peng të ardhmen e vendit. Ajo që na duhet për të zhbllokuar rrugën e integrimit europian është një parlament dhe një qeveri e dalë nga zgjedhje të lira e të ndershme. Ato janë hapi i parë dhe më i sigurt për të bërë Shqipërinë si Europa", tha Spaho.
Megjithatë, teksa PD-ja këmbëngul se BE ka vendosur 15 kushte, shefi i qeverisë thotë se një gjë e tillë nuk është e vërtetë.
Komente
Thoni qe nuk ja kalon Bufot te Pulave
PërgjigjuO gërdalla edmond spaho o condomi skaduar po hik mor bur se jeni bo më keq se ver llapa o edmond hapa dollapa. Kush është mbrspa tasi thupës si i edi pa loqe . O Zot çfar parti kake partia pd.
PërgjigjuAkoma Ju jo tha Amerika jo tha Evropa.. Mashtrurs Ordinere ,Ju vjen hera Njemije km large qe jeni vrases te Popullit dhe hajdute te Popullit.. Lereni more kete Qeveri ,ha jeni sy apo jo,, qe keta Kane bere ndryshime rrenjesore ..e Juve vetem Vila e Miliona..
Përgjigju