Spinaq sufle (au gratin) me bukë ne feta
Përbërësit:
10 feta bukë tosti ose bukë masive pa kore
½ filxhan çaji me qepë të njoma të grira imët
½ filxhan çaji margarinë
½ filxhan çaji panna
1 kg spinaq
1 tufë majdanoz
1 tufë koper
3 vezë
Djath të grirë (lloji sipas dëshirës)
Kripë
Piper
Përgatitja
Fillimisht lyejmë me pak margarinë një tavë pireks ose tavë qelqi. Gjithashtu lyejmë me margarinë dhe fetat e bukës (pasi kemi larguar pjesët e koreve) dhe i vendosim në tavë.
Kaurdisim me pak vaj ulliri qepët e njoma, më pas shtojmë spinaqin të prerë mesatarisht. E kaurdisim për 4-5 minuta dhe sapo të ulë vëllimin shtojmë kripën dhe erëzat. Sipas dëshirës mund të vendosim dhe një spec të vogël djegës ose fara speci për një shije pikante. Masën e përgatitur e hedhim në tavë mbi fetat e bukës. E nivelojmë mirë me një spatul kuzhine dhe të gjithë sipërfaqen e spërkasim me djathë të grirë.
Rrahim vezët së bashku me panën dhe e hedhim mbi masën me spinaq. E vendosim tavën të piqet në furrë në temperaturën 180 gradë Celsius për 35 -40 minuta.
Koret që hoqëm nga fetat e bukës mund t’i presim në kubikë dhe t’i kaurdisim me pak vaj ulliri dhe erëza dhe mund të shoqërojmë një supë.
MC/ReportTv.al
