Juventus fitoi 1-0 me Udinesen për javën e 17-të në Serie A duke marrë vendin e dytë në klasifikim. Pas ndeshjes foli për DAZN njeriu asist, Federico Chiesa. Ylli i "Zonjës" ia dedikoi këtë sukses Gianluca Viallit, ish-sulmuesit italian të ndarë nga jeta pak ditë më parë në moshën 58-vjeçare.
“Kjo fitore i përket Gianluca Viallit. Ai ishte një person i madh, pata fatin ta takoja në jetën time. Ishte njeri me një nivel të lartë human. Në kampionatin Europian ka qenë një lojtar më shumë për ne pasi zbriste shpesh dhe takonte skuadrën. Emocionet janë të shumta sa duhet të flasim me orë e orë të tëra për kampionin që ka qenë. Kjo fitore është për të”, tha fillimisht sulmuesi i Juves.
Më pas Chiesa u ndal edhe te muajt e vështirë të dëmtimit, që sipas tij janë lënë pas dhe po mendon për objektivin e radhës.
"Si ishte viti i shkuar për ju? Ishte një vit shumë i vështirë për mua. E kam lënë pas vetes, tani jam i përqendruar në fushë dhe duhet të punoj më shumë për t’u rikthyer në nivelet e mëparshme. Nuk e nisëm mirë, por tani ne kthehemi në rrugën e duhur. Po flas vetëm për ndeshjet e fundit ku ne i kemi rregulluar shifrat. Por siç thotë trajneri, ne duhet të ngremë stekën”, tha Chiesa.
Lajmi kryesor:
VIDEO/ Juventus fitore minimale në shtëpi, Inter 'ngec' në transfertë! Fiorentina i falet VAR-it dhe penalltisë
S.DH/ReportTv.al