Disa udhëheqës politik të Kosovës, kanë mbërritur këto ditë në Tiranë, në përpjekje për t’u faktorizuar në debatin politik të Kosovës, rreth mundësisë së ndryshimit të kufijve, që po i prin presidenti Thaçi. Udhëheqësit në shumicë janë opozitarë, por dhe pjesëtarë të qeverisë “Haradinaj”.
Zbarkimi i tyre në Tiranë pason ardhjen e Albin Kurtit dhe takimin e tij me Sali Berishën, të cilin duket që Hashim Thaçi, përmes polemikës në distancë, e ktheu në zyrë pelegrinazhi për kundërshtarët e vet.
Nuk di nëse Hashim Thaçi ka qenë koshient kur e sulmoi në dukje pa shkak Sali Berishën, një muaj më parë, kur nisi historinë e ndryshimit të kufijve, por nëse ka pasur parasysh këtë që po ndodh, i duhet njohur një farë talenti politik dhe një dinakëri e pashoqe për t’i kanalizuar kundërshtarët e vet, tek dikush që është ndërkohë i defaktorizuar.
Kur ai sulmoi Sali Berishën me një fjalor aspak të nevojshëm për një president të Kosovës, për më tepër që vetë ka bashkëpunuar me të, të gjithë na u duk e tepruar, edhe pse nuk tha asnjë gënjeshtër kundër tij.
Por dukej se e kishte si hall sulmin ndaj tij.
Nëse ai ka llogaritur që kundërshtarët t’i identifikojë me Berishën, që ta ketë pastaj më të lehtë me faktorin ndërkombëtar, i duhet njohur merita që është më dinak se sa duket në lojën politike, jo vetëm në Kosovë.
Patetizmi i Berishës kundër tij, fjalori i vrazhdë si “argat i Serbisë”, qasja qesharake fillestare që ai po e bënte këtë nën ndikimin e Sorosit, pastaj heshtja kur u mësua se është nxitje e këshilltarit të sigurisë kombëtare të Trumpit, dhe e shoqëruar në sfond nga heshtja e pamëshirshme e Edi Ramës në këtë histori, në fakt kanë kanalizuar energjitë opozitare në Kosovë, në drejtimin e paduhur.
Projekti i Hashim Thaçit për ndryshimin e kufijve nuk bllokohet as në zyrën e Sali Berishës, as të Edi Ramës, por në Parlamentin e Kosovës.
Aty kundërshtohet, aty bllokohet, aty i hiqet Hashim Thaçit mandati i bisedimeve për kufijtë, dhe aty ruhet pavarësia e derisotme e Kosovës, të cilën procesi i rishikimit të kufijve, e anullon.
Pelegrinazhi drejt Sali Berishës, i nxitur nga Hashim Thaçi, është mënyra se si dobësohen energjitë opozitare në Kosovë dhe si Hashim Thaçi del më i qartë në projektin e tij.
Ai ka arritur ndërkohë të përçajë LDK-në, ku një prej kandidatëve për kryetar, Lutfi Haziri, ka nisur të besojë se po merr Luginën e Preshevës nën modelin e Thaçit, e tjetra, Vjosa Osmani, po e kundërshton fort.
Ai ka arritur të përçajë po ashtu qeverinë dhe partinë e tij, dhe çfarë është më e mira për të, po i bën bashkë gjithë kundërshtarët e po i çon në zyrë të Sali Berishës.
Ky i fundit është në atë pikë që nuk kundërshton dot as vendimet e Lulzim Bashës, dhe jo më të diktojë zhvillimet në Kosovë, ndërkohë që reputacioni i tij ndërkombëtar është nën zero.
Do të ishte e pashpirt nga ana e Hashim Thaçit sikur ta ketë të menduar gjithë këtë skemë ndaj opozitarëve të tij. Por do ishte budallallëk mizor sikur kundërshtarët ta bëjnë vetë këtë./ TEMA
Komente
Ti mero ke nje merite ,qe shkruan gjoja analiz ose koment .Nje gje eshte e sigurte Se komentet tua vlejne per kur je roje nate dhe nuk te ze gjumi .Me anti kombetar dhe anti veriore nuk te ben nena .Berisha te shfaqet dhe ne enderr .Nderroje melodine se bajatose.
PërgjigjuNese ka shqiptare,andej e kendja Drini, qe mendon e flet sinqerisht te verteten e madherishme,dhe mund te gjeje nje rast,ama vetem nje rast, qe salihu beri dic mire per Kosoven,pervec 400 mije evrove,per Gracanicen,te thot e ta shkruaje ashtu sic ishte dhe sic "premtoj e garantoje" sic e beri dhe e perfundoj.Ama asnje,Bash asnje.Ky njeri vet em sherbime serbe ka kryer kuder nesh dhe lirise se Kosoves,Tash!cfar anomalie,shkojne dhe konsultohemi te dikush qe nuk eshte per asgje kompetent dhe nuk ishte i pergjegjeshem sa ishte sundimtar.Ta degjojme ende kete njeri,Vertet eshte habi deri ne turpri.
PërgjigjuFati ironik i tere shqiptarise!!! Ai i cili di shkrim dhe lexim gjegj. mund te ndegjoj, dhe ka nje ndergjegje pa paragjykime, kupton qe Sala ishte dhe eshte "serbi me i perbetuar" ne bote!!! Si duket Albini nuk posedon atributet e lartpermendura, ose i bene taktikisht per te dobesuar te tjeret per ceshteje karrieriste!!! "Populli i posedon politikant te cilet i meriton" Pershendetje