Pashë sot që thuajse se si me emocione të veçanta u bë lajm se grupi i PD së Alibeaj ose me saktë i Lulzim Bashës do të pranonte të diskutonte me Foltoren në lidhje me zgjedhjet dhe kandidatët! Sigurisht ky u bë lajm sidomos nga Foltorja sikur po trumbetonte faktin se ja erdhi dita të nënshtrohen dhe të bëhen pjesë e jona!
Çfarë do të thotë kjo? Do të thoshte të pranojmë diktatin e Foltores! A ka mundësi kjo? A mund të ndodhë? E ndoshta pyetja më e sinqertë duhet të jetë se: a duhet të ndodhë? Foltorja sot është në të njëjtën situatë që ishte Hitleri në bunker poshtë Kancelarisë i pa shpresë, i rrethuar dhe drejt një fundi të parashkruar! PD informale ose ajo "Non grata" ka të drejtë të vendos dhe të bëj çfarë të dojë! Megjithatë, jam i sigurt se ca gjëra nuk mund t'i bëj e nuk duhet t'i bëj!
Së pari, as një muaj dhe do të jetë vendimi i apelit që do të ndajë shapin nga sheqeri dhe sipas të gjithave analizave logjike do të jetë edhe fundi i versionit të Foltores në PD! Prandaj, nuk ka arsye përse të bëjmë kompromis kur nuk e bëmë deri më sot! Çështja parimore që na ka ndarë nuk na bashkon, sepse "Non Grata" është vij e kuqe e pa fshirë që na ndanë e nuk na bashkon! Gjithashtu, ata na kanë përjashtuar nga çdo nismë të njëanshme që kanë ndërmarr e po ashtu sipas tyre e kanë mbyll edhe procesin e ngritjes së PD!
Ne, kërkojmë e pretendojmë të jemi alternativë dhe po ashtu faktorë e betejat tona nuk kanë qenë e nuk janë që ne të jemi militantë dhe vota për këta që morën PD ashtu siç e morën! Nuk mund të ketë kompromis me kushte që na vendosin, sepse realisht nuk janë në rrethana për të na vendosur ose imponuar asnjë kusht! Nëse ne pranojmë diktatin e tyre do të ishim oksigjeni i fundit për tu zgjatur sadopak jetën politike e po ashtu do të ishim të pafajshmit që do të legjitimonim të pa legjitimuarën!
Shumë prej nesh kanë mbajtur qëndrime parimore e jemi të gatshëm që parimet tona të mos i tradhtojmë e sidomos në situatën e të nënshtruarve përmes diktatit! Demokratët dhe Shqipëria presin diçka të re dhe jo kompromis me kushtet e diktatit për t'i zgjatur jetën të vjetrës!
