Shtatë persona kanë mbetur të plagosur pas një sulmi me armë në qytetin e Jerusalemit. Ngjarja u regjistrua rreth orës 01:24 me orën lokale, ku disa persona të armatosur kanë hapur zjarr në drejtim të një autobusi dhe një parking makinash pranë Murit historik Perëndimor. Shërbimi i ambulancës, Magen David Adom (MDA), tha se dy nga të plagosurit janë në gjendje të rëndë shëndetësore.
Një zëdhënës i policisë tha për mediat lokale se sulmi po trajtohet si një sulm i dyshuar terrorist. Policia ka nisur një kërkim për personat e armatosur, të cilët u larguan pas sulmeve. Ende nuk dihet se nga sa persona u organizua sulmi, por sipas mediave vendase policia është në kërkim të dy autorëve të dyshuar.
Times of Israel raportoi se një sulmues kishte pritur që autobusi të ndalonte dhe më pas kishte hapur zjarr ndaj tij, teksa pasagjerët po hipnin.
"Autobusi ishte plot," tha shoferi Daniel Kanievsky për mediat lokale. "Unë ndalova në një stacion autobusi në varrin e mbretit David dhe më pas dëgjova të shtëna, njerëzit filluan të bërtasin, njerëzit u futën me sh[ejtësi brenda autobusit."
Në një deklaratë për BBC, kryeministri izraelit Yair Lapid tha se forcat e sigurisë "po punonin për të kapur terroristin" dhe u zotua se kushdo që është përfshirë në sulm do të "paguaj një çmim për çdo dëm ndaj civilëve".
Muri Perëndimor është një nga vendet më të shenjta në judaizëm dhe mijëra adhurues shkojnë në një pelegrinazh atje çdo vit për t'u lutur. Sulmi vjen një javë pasi 44 persona u vranë në Rripin e Gazës gjatë shpërthimit më serioz që nga një konflikt 11-ditor në maj 2021.
Komente
Terroristet e vertete jane cifutet qe e kane pushtuar Palestinen 50 para dhe perdite i bombardon i vret , u shkaterron shtepite , ka vjedhur tokat dhe ka ndertuar lagje te tera ne territorin e tjetrit dhe ne nje moment qe nje Palestinez hakmerret quhet terrorist sa turp per kete bote te ndyre ipokrite dhe te padrejte
Përgjigju