Një 32-vjeçar ka mbetur i plagosur me armë zjarri mbrëmjen e sotme në Tiranë. Ngjarja u regjistrua rreth orës 19:00 në zonën e Ish-Bllokut, në vendin e quajtur “Shallvaret" pranë një lokali, ku i plagosur ka mbetur Ilir Shkurti, i cili ka marrë një plumb në këmbë. Mësohet se i riu ka shkuar vetë në spital, ku ndodhet jashtë rrezikut për jetën.
Të përfshirë në ngjarje kanë qenë dy persona, ku policia ka mundur shoqërimin e njërit prej tyre, 38-vjeçarin Kridenc Meçollari. Blutë e kryeqytetit bllokuan në zonën e Maternitetit të ri mjetin tip 'Benz' që u përdor nga autorët për t'u larguar, por personi tjetër, i paidentifikuar, mundi të zbresë nga automjeti dhe të largohet në brendësi të pallateve. Policia ka rrethuar zonën dhe është vënë në ndjekje të tij.
Paraprakisht dyshohet se shkak i ngjarjes të ketë qenë një konflikt i çastit, për motive që nuk dihen ende, ku u përfshinë 30-vjeçari dhe 2 autorët, por që degradoi në përdorimin e armëve.
Nuk ka ende detaje të tjera për ngjarjen, ndërsa policia ka nisur hetimet.
Ilir Shkurti, 32 vjeç është personi që mbeti i plagosur me armë zjarri mbrëmjen e sotme në zonë e Ish-Bllokut në Tiranë. 32-vjeçari ka marrë një plumb në këmbë, në rrethana ende të paqarta, ndërsa ndodhet në spital jashtë rrezikut për jetën.
