Gjykata e Posaçme për Krime të Rënda dhe Korrupsionit ka vendosur të kthejë për plotësim hetimesh, çështjen penale që flet për ish-kryeprokurorin Adriatik Llalla. Ky i fundit tashmë është vënë nën akuzë nga prokuroria, pasi sipas dosjes së akuzës ka kryer fshehjen e të ardhura.
Mirëpo në një kohë kur procesi gjyqësor ndaj Llallës ndodhej për diskutim provash në seancë paraprake, gjykata ka vendosur sot të kthejë për rihetim çështjen penale. Vendimi për plotësimin e hetimeve është marrë pas kërkesës së depozituar nga avokati i Adriatik Llalla, Sokol Hazizaj, i cili parashtroi para trupit gjykues se hetimet janë të paplota dhe duhet patjetër të verifikohen trasanksionet bankare për shitjen e disa pronave të paluajtshme dhe të merret në pyetje një person me banim në Amerikë, që i ka paguar Llallës, 3 mijë euro për lindjen e fëmijës në Amerikë.
Tashmë prokuroria do ketë afat deri në muajit nëntor 2020 për të realizuar këto dy detyra të kërkuara nga avokati dhe caktuara nga gjykata, për tu përballur sërish në gjykatë, për futjen ose jo në gjykim të dosjes penale, ku i pandehur është ish-kryeprokurori Adriatik Llalla.
