Atalanta dhe Como duhet të përmbyllnin raundin e pestë në Serie A. Dueli i programuar për të hënën në orën 20:45 nuk u zhvillua, duke u shtyrë me 24 orë.
Këtë të martë po në orën 20:45 skuadrat do zbresin në fushë, ndërsa arsyeja e shtyrjes ishte një rebesh shiu që zgjati për disa orën në zonën e Bergamos në Itali.
Arbitri Tremolada doli disa herë në fushë me dy kapitenët, ndërsa topi nuk lëvizte në tapetin e stadiumit. Reshjet e dëndura krijuan pellgje uji në fushë dhe pas një pritje më shumë se një orë nga orari i ndeshjes, gjithçka ishte e pamundur.
Kësisoj, dy klubet duke u udhëzuar me arbitrat dhe delegatët e ndeshjes u dakordësuan që dueli të shtyhej me 24 orë. Berat Gjimshiti në këtë duel ishte projektuar nga minuta e parë, gjë që do ndodhë sot në 20:45.
‼️ | Atalanta v Como delayed for the moment due to heavy rain and poor pitch conditions…. pic.twitter.com/Hpand34Uv3
— Italian Football News ???????? (@footitalia1) September 23, 2024
