Superliga shqiptare në basketboll për meshkuj mbylli javën e nëntë me rezultate surprizë. Në Pallatin e Sportit "Ramazan Njala", Teuta fitoi me Besëlidhjen 70-65 duke marrë kreun e renditjes. Në "Farie Hoti", po për javën e nëntë Tirana u mund 98 - 100 nga Vllaznia në sekondën e fundit, me bardheblutë që polemizuan për koshin e fundit duke thënë se koha e ndeshjes kishte përfunduar teksa u dëgjua sirena finale.
Java e nëntë nisi me ndeshjen e zhvilluar në Vlorë, aty ku Apolonia u mund 87-91 nga Kamza Basket. Me këtë rezultat kamzalinjtë shkojnë në vendin e tretë me 14 pikë, duke lënë Apoloninë në vendin e parafundit me 13 pikë. Pas kësaj jave prin Teuta me 16 pikë, ndjekur nga Besëlidhja me një pikë më pak.
Javën e ardhshme Teuta udhëton për në "Qazim Dervishi" në përballje me Vllazninë, Tirana luan me Apoloninë në Vlorë, ndërsa Besëlidhja përballet me Kamzën në transfertë.
Rezultatet e javës së nëntë:
Apolonia 87 - 91 Kamza Basket
Tirana 98 - 100 Vllaznia
Teuta 70 - 65 Besëlidhja
Renditja:
Java e ardhshme:
Vllaznia - Teuta
Apolonia - Tirana
Kamza Basket - Besëlidhja
S.DH/ReportTv.al