TIRANË - Tre persona janë arrestuar si pasojë e operacionit ‘Four’ nga Komisariati i Policisë nr. 4 në kryeqytet. Sipas njoftimit të policisë ky operacion u organizua në kuadër të goditjes së veprimtarive kriminale në fushën e narkotikëve.
Një 31-vjeçar Llesh Doçi, është konstatuar nga shërbimet e policisë në rrugën ‘Rexhep Tarja’ dhe gjatë kontrollit iu gjetën sasi lënde e dyshuar narkotike.
Më tej u krye kontroll në banesën e tij, ku u gjetën Lirim Sopoti, 40 vjeç dhe Xhuliano Marando (Lika), 30 vjeç, ku gjithashtu u gjetën dhe sekuestruan në cilësinë e provës materiale dy thasë të zinj me lëndë të dyshuar narkotike kanabis me peshë 10 kg.
Të tre personat u vunë në pranga, ndërsa materialet proceduriale i kaluan Prokurorisë.
Komento
Komente
