Ish-presidenti amerikan, Donald Trump është paditur nga prokurorët e Manhatanit për pagesën e yllit porno Stormy Daniels 130 000 dollarë për ta detyruar të mos fliste për marrëdhënien e tyre. Manjati bëhet kështu ish-presidenti i parë në historinë amerikane që akuzohet.
Stephanie Gregory Clifford i lindi në një familje në Luiziana, e braktisur nga babai i saj dhe e rritur në Baton Rouge nga një nënë që mungonte, e cila e la pas dore. Ajo mori emrin skenik ‘Stormy Daniels’ nga pija uiski.
Në një intervistë, ajo tha se kishte menduar se do bëhej gazetare, pasi i pëlqente të shkruante. Përpara se të punonte në industrinë porno, Daniels punoi në një klub striptizmi që në moshën 17-vjeçare. Karriera e saj në industrinë e filmave për të rritur njohu rritje të shpejtë dhe ajo mori disa çmime. Në vitin 2010 ajo madje tentoi një karrierë politike duke kandiduar për një post në senat për republikanët, por pa sukses.
Në një intervistë të vitit 2018, ajo pretendon se afera e saj me Donald Trump ndodhi në korrik të vitit 2006, gjatë një turneu golfi. Daniels ishte 27 vjeç, kurse Trump ishte 60. E shoqja e tij, Melania sapo kishte sjellë në jetë djalin e tyre, Barron.
Pornostari amerikan tha se Trump e ftoi për darkë dhe më pas u takuan në suitën e tij të hotelit. Trump e ka mohuar vazhdimisht këtë pretendim. Historia e aferës së tij doli pikërisht kur Trump shpalli kandidaturën për president. Ajo është rishfaqur vazhdimisht në kohë zgjedhore.
Pas lajmit për ngritjen e padisë ndaj Trump, Daniels reagoi në median sociale duke thënë: “Ju falënderoj të gjithëve për mbështetjen dhe dashurinë”.
1 / 16
2 / 16
3 / 16
4 / 16
5 / 16
6 / 16
7 / 16
8 / 16
9 / 16
10 / 16
11 / 16
12 / 16
13 / 16
14 / 16
15 / 16
16 / 16