Në katër pjesë të një puzzle që nuk ngjitet është ndarë ura në Skuraj, duke bërë të pamundur kalimin e saj.
Ura është ndërtuar vetëm 4 vite më parë, ndërsa sot është ndarë në 4 pjesë dhe po vë në rrezik jetën e banorëve të zonës.
“Foto sa 1000 fjalë” është kjo që na vjen nga ura e shkatërruar e cila ndodhet në rrugën nacionale Burrel-Skuraj, ku pjesët e ndara të saj që mezi qëndrojnë të kapura me njëra-tjetrën, me shpresën se mund të ribashkohen.
Banorët e fshatit Skuraj si edhe nxënës që e përdorin për të shkuar në shkollë rrezikojnë çdo ditë jetën, për të kaluar në anën tjetër të lumit.
Jashtë kamerës banorë treguar se ura ka më shumë se 1 vit që është katandisur në këtë gjendje dhe se pavarësisht përpjekjeve të tyre dhe kërkesave pranë pushtetit vendor, ende nuk kanë marrë asnjë përgjigje.
J.GJ./ReportTv.alKomente
Dhe shume ka mbajtur! E shikoni si eshte ndryshkur?Po ato shufrat qe i ka anash gjate gjithe gjatesise,vertikalet dhe horizontalet,i shikoni sa te holla jane? Duken me shume sikur jane tela,ose shkopinj druri,te vena nga banoret sesa te jene pjese e projektit.Shiu,bora,akulli,( ndoshta i kane hedhur dhe kripe kur eshte dashur),kane bere te veten,lageshtira dhe kripa kane depertuar neper te cara dhe ne vida e bulona,shtoi ketyre dhe mos veshjen e metalit me material izolues dhe antikoroziv,si dhe ndertimin ne dukje me model pllakash e pjesesh,si dhe efektin e eres,temperaturave,presionin e valeve te lumit,dridhjet e shkaktuara prej tij,llojin e metalit te perdorur dhe ja ku e keni:ure ne gjendje katastrofe.
Përgjigju