Art, kulturë dhe spektakël, në vijim, rubrika “Ciceron”, ju njeh me aktivitetet që mund të ndiqni sot në Tiranë dhe disa qytete të vendit.
1. Shfaqja “Elektra” e Sofokliut me regji të Kiço Londos dhe me një kast të përzgjedhur aktorësh vijon të shfaqet nga sot deri të mërkurën në orën 19.00 në skenën e Teatrit Eksperimental.
2. Me rastin e 16-vjetorit të Pavarësisë në qendrën kulturore "Tulla" organizohet nga sot në orën 19.00 deri në 28 shkurt Java e Kulturës Bashkëkohore të Kosovës.
3. Vijon e hapur deri në 17 mars në galerinë 70 në Tiranë ekspozita "Transition", e çelur në kuadër të shkëmbimit kulturorë, nga artistë të Studio 44 të Stokholmit në Suedi.
4. Pret vizitorët deri në 24 shkurt në galerinë "NAAN" në Tiranë ekspozita personale e Leonard Qylafit "Përtej rrethit të konfunzionit", me punime që artisti ka realizuar përgjatë dekadës së fundit.
5. Dokumentari "Vala e re" me regji të Elton Baxhakut që hulumton shkaqet që po shtyjnë shqiptarët drejt emigracionit, shfaqet sot në orën 18.00 në qendrën e artit “Agimi” .
6. Ekspozita fotografike “Vizitë e vonuar” e artistit Shpëtim Kërçova me imazhe bardhë e zi të prodhuara në Romën e ’41-shit, pret vizitorët deri në 1 mars në galerinë “Bazament art space” në Tiranë.
7. Qendra për Hapje e Dialog organizon sot në orën 18.00 në bibliotekën "Thimi Mitko" në Korçë një takim me në fokus priftin ortokdoks Spiro Katundi me një karrierë të pasur artistiko-letrare.
8. Qendra për Hapje e Dialog mban sot në orën 12.00 në bibliotekën "Shevqet Musaraj" në Vlorë aktivitetin “Shprehur në vargje”, me tematikë “Tipologjia poetike e poetit vlonjat, Ali Asllani”.
9. Ekspozita "Gjilpëra" e Artemisa Çullhaj dhe e kuruar nga Najada Hamza qëndron e hapur në galerinë "Fab" në Tiranë deri në 27 shkurt.
10. Ekspozita personale “Introspeksion – Arsye për të qenë stoik përballë dhunës” nga artisti i ri Toni Milaqi vijon e hapur deri në 5 mars në Galerinë e Artit Tiranë.
