TIRANE- Zv/ prokurori i Përgjithshëm Thoma Jano është konfirmuar në detyrë nga Komisioni i Pavarur i Kualifikimit.
Jano u përball me komisionin e vettingut në datë 13 shkurt, ndërsa sot trupa e përbërë nga Brunilda Bekteshi, Lulzim Hamitaj dhe Olsi Komici e konfirmuan në detyrë, pasi nuk konstatuan asnjë shkelje në të tria shtyllat e vlerësimit.
Thoma Jano ka një karrierë të gjatë në sistemin e drejtësisë. Ai ka punuar fillimisht si hetues dhe në fund të viteve ’90, ka drejtuar Prokurorinë e Tiranës. Në vitin 2002, Jano u emërua zv/ ministër i Rendit Publik.
Prej vitit 2004, Thoma Jano ka punuar në Prokurorinë e Përgjithshme dhe në dhjetor 2019 u zgjodh në postin e zv/ Prokurorit të Përgjithshëm nga kryeprokurori i ri Olsian Çela.
Komento
