LIVERPOOL - Trajneri i Atletico Madrid, Diego Simeone, nuk mundi ta mbyllte në stol ndeshjen e humbur 3-2 kundër Liverpoolit në Champions League. Argjentinasi nuk i mbajti dot nervat në 'Anfield', me Atleticon e tij që u mposht nga Liverpooli në shtesën e dytë me golin e shënuar nga kapiteni Virgil van Dijk.
Vendasit 'shpërthyen' në festë, ndërsa Diego Simeone është përplasur me një nga fansat e kuq. Një prej tifozëve të Liverpool i ka qeshur në fytyrë Simeones, me këtë të fundit që nuk e ka kaluar me aq sportivitet.
Përplasja më pas mori përmasa më të mëdha, me sigurinë që u përpoq të mbante larg tifozët dhe stafin e Atletico Madrid. Në fund Simeone u ndëshkua me karton të kuq.
"Fyerje gjatë gjithë ndeshjes. Dhe gjeste gjithashtu. Unë jam ai që duhet të qëndroj i qetë dhe duhet të duroj gjestet, fyerjet, çdo situatë. Pse? Sepse jam në një vend ku duhet të duroj", tha Simeone për këtë rast.
Another angle of the Diego Simeone incident at Anfield last night…
— george (@StokeyyG2) September 18, 2025
Was that a spit from one of Simeone’s staff towards the fans 13 seconds in? pic.twitter.com/pxmq639QMj
Komente
