Presidenti rus Vladimir Putin dhe presidenti serb Aleksander Vuçiç kanë zhvilluar ditën e sotme një bisedë telefonike.
Lajmi është bërë me dije nga vet Vuçiç përmes një postimi në llogarinë e tij në rrjetin social Instagram.
“Zhvillova një bisedë shumë të mirë me presidentin rus Putin”, ka njoftuar Vuçiç.
Sipas mediave të huaja, Presidenti kujtoi se nuk kishte folur me homologun e tij rus për gati dy vjet e gjysmë dhe theksoi se kjo telefonatë ishte 'e hapur dhe e gjatë'.
“Shpreha dëshirën, ashtu si dy vjet e gjysmë më parë, se Serbia nuk do të vendosë sanksione ndaj Federatës Ruse, e gjithashtu mirënjohje të jashtëzakonshme për mbështetjen e Moskës në OKB në lidhje me rezolutat e ndryshme dhe për integritetin territorial të Serbisë”, tha Vuçiç.
Biseda telefonike e fundit mes dy liderëve, ishte me rastin e përkujtimit të 80-vjetorit të çlirimit të Beogradit nga pushtimi gjerman gjatë Luftës së Dytë Botërore.
