Vuçiç reagon për sanksionet e SHBA-së ndaj Dodik: Serbia nuk do t’i zbatojë

6 Janar 2022, 16:47| Përditesimi: 6 Janar 2022, 16:48

  • Share

Presidenti i Serbisë Aleksandër Vuçiç ka reaguar për herë të parë pas sanksioneve që SHBA mori ndaj liderit të serbëve të Bosnje e Hercegovinës, Millorad Dodik dhe bashkëpunëtorëve të tij. Vuçiç ka deklaruar se Serbia nuk do t’i zbatojë këto sanksionet kundër anëtarëve të popullit të saj.

“Serbia nuk mendon se zgjidhja qëndron në sanksione dhe nuk ka dyshim se Republika e Serbisë nuk do të pajtohet për asnjë pikë të vetme dhe nuk do t'i zbatojë sanksionet kundër anëtarëve të popullit të saj dhe përfaqësuesve të popullit të saj në Bosnje dhe Hercegovinë dhe Republika Sërpska”, tha Vuçiç.

Ky vendim i Amerikës, sipas Vuçiç do të sjell sfida të mëdha jo vetëm për Republikën Sërpska, por edhe për Serbinë.

“Do të kemi shumë pyetje për administratën amerikane për disa media të tjera dhe lidhje me krimin dhe korrupsionin, të cilave duket e pamundur t'u japim një përgjigje adekuate, por këtë do ta lëmë për kohën menjëherë pas Krishtlindjeve”, tha Vuçiç.


Lajmi kryesor:

SHBA mori sanksione ndaj tij, Dodik: Amerika është një gënjeshtër e madhe, më ka mbetur të pres që amerikanët të më vrasin! Vuçiç: Serbia nuk i zbaton


SI.E./ReportTv.al
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?