Sondazhin e fundit të Times/Siena e drejtuan dy sondazhistë, njëri demokrat e tjetri republikan. Ata u kujdesën që kampioni i sondazhit ta përfaqësonte elektoratin amerikan jo vetëm gjeografikisht, demografikisht e politikisht, por edhe nga niveli arsimor.
Kjo gjë u dha mundësinë atyre të llogarisnin përkrahjen ndaj presidentit Biden apo ish-presidentit Trump veçmas për amerikanët me arsim të larte dhe veçmas për ata pa arsim të lartë.
Në qoftë se do të zhvillohej sot gara presidenciale Biden-Trump, presidenti aktual do të kishte një epërsi prej 22 pikësh ndër amerikanët me arsim të lartë (54%-32%). Nga ana tjetër, ndër amerikanët pa arsim të lartë, ish-presidenti do të kishte një epërsi prej 13 pikësh (49%-36%).
Duke i ndërthurur të dyja rezultatet e mësipërme të sondazhit, rezulton se sot gara Biden-Trump do të ishte shumë e fortë, vetëm 1.5 pikë diferencë mes të dyve (brenda marzhit të gabimit statistikor të sondazhit).
