Kryetari i Partisë Agrare Ambientaliste, Agron Duka beson që në zgjedhjet e 14 majit do të ketë rënie të votave për mazhorancën. I ftuar në Report Tv në emisionin ‘Kontrast’ me gazetarin Denis Minga dhe analistin Lorenc Vangjeli, u shpreh se do të jetë numri më i vogël i pjesëmarrësve që shkojnë në kutitë e votimit në krahasim me zgjedhjet e shkuara.
Duka u shpreh se ka disa bashki ku ka mundësi që opozita të triumfojë përballë mazhorancës dhe mes tyre përmendi Durrësin.
“Në disa bashki, si e Durrësit mendoj se ka shumë shanse për të fituar prej konsumit të mazhorancës. Pra kanë përkrahur një grup njerëzish që kanë shumë vite. Populli i thjesht, edhe socialisti nuk ka parë ndonjë qeverisje të mirë vendore. Besoj se kjo do përkthehet me votë kundër.
Një panoramë e opozitës që ka pasur situatë absurde prej 1 viti e pak. Tani është krijuar përshtypja që janë zgjedhur disa njerëz për t’u bërë kryetar bashkish dhe forca të tjera opozitare u sqaruan. Tani kemi në shumë pak bashki kurse pjesa tjetër vetëm me 1 kandidat. Kjo nuk mund të bëhet për 1 ditë. Nga ana tjetër kemi jashtë mase problematika si në qeverisjen vendore dhe në atë qendrore. Kur kam qenë ministër, kisha kontakt me votuesit. Pastaj fillova duke harru qytetarët dhe në 4 vite mendoja që duhet të isha ministër se ashtu më thonin ata që më rrethonin. Jam i sigurt dhe për këtë vendos bast se mazhoranca nuk merr kurrë votat që ke marrë, do ketë rënie në krahasim me 2021. Puna është a më jep alternativë që të bindem të ta jap ty. Po të garantoj që do ketë më pak vota se pretendojnë”, tha Duka.
Ndërsa analisti Lorenc Vangjeli u shpreh se përqindja e qytetarëve që do të marrin pjesë në këto zgjedhje do të jetë i lartë dhe do vërtetojë se Shqipëria ka demokraci funksionale.
“Përqindja e qytetarëve shqiptarë që shkojnë në zgjedhje tregojnë shpresën e tyre te vota. Pra pjesëmarrja në zgjedhje është tregues i rëndësishëm. Më ngjan i gabuar kur thuhet që shqiptarët i refuzojnë votimet. Kur themi që përqindjet e pjesëmarrjes ka qenë 50-60%, në fakt shkon shumica dërrmuese 80% që ditën e votimit ndodhen në Shqipëri, shkojnë te kutia e votimit. Ajo ditë rrëfen se Shqipëria ka demokraci funksionale. Deformime të tjera nuk i përkasin qytetarit”, tha Vangjeli.
Sa i përket premtimeve të kryeministrit Edi Rama dhe bonusit me 5 mijë lekë për pensionistët, Duka u shpreh se ka një kufi ligjor për të bërë veprime të tilla para zgjedhjeve. Megjithatë shprehet se Rama ka arrogancë prej pushtetit.
“Unë gjykoj që kjo fushatë vetëm sa ka hyrë në karrige. Nuk e di sa lejohet që të bëhen këto veprime para zgjedhjeve se ka një kufi ligjor. Edhe kjo lloj arrogance e tij buron nga pushteti i gjatë dhe vetëbesimi që ka. Për zgjedhjet, them që janë administrative se ne zgjedhim administratorin e qytetit. Pa dyshim që zgjedhjet administrative do ndikojnë në zgjedhjet e ardhshme parlamentare. Në kushtet që është opozita me mazhorancën besoj se duhet të grumbullohen rreth kandidatit dhe të lënë mënjanë ideologjitë e ndryshme”, tha Duka.
Duka shtoi se nuk pranoi të bëhej pjesë e asnjë koalicioni sepse nëse futen në listën e përbashkët, nuk figurojnë në listën e qytetarëve që i ka penalizuar në të kaluarën. Sipas Dukës do të sfidojnë veten pasi në zgjedhjet e mëparshme kanë hyrë në koalicione si dhe do të rifreskojnë strukturat e Partisë Agrare Ambientaliste.
Komente
O Agron Duka ti ve bläst që vllai jot Armando Duka është krye hajdut i pa par për ktë vej Bart o Duka klani i Zenunit se kshu ka thon Sali BAJGA. Kshu që mos fol idjotizmat.
PërgjigjuO idiot qe nuk din te shkruash shqip vetem emrin tend BAJGA paske shkruar tamam.Dhe nje ordiner si ky komenton Duken qe shkruan dhe aresyeton shume sakte.Na u shpifen kudo injorante te tille si ky ""kryegangster""BAjGE