TIRANË- Një tjetër zjarr është regjistruar në Tiranë, në një apartament në një pallat në zonën e Astirit. Report Tv sjell pamje nga banesa në flakë, teksa nga sa raportohet paraprakisht nuk ka persona të lënduar, paji janë evakuuar menjëherë. Zjarrfikësit janë në vendin e ngjarjes të cilët po punojnë për shuarjen e flakëve.
Nuk dihen ende shkaqet e zjarrit.
Ndërkohë, mbrëmjen e djeshme është regjistruar një tjetër zjarr në një tjetër pallat në zonën e Freskut ku shtëpia u shkrumbua, e ndërsa Report Tv solli pamjet sesi u evakuuan familjarët.
"Me datë 18.11.2021, rreth orës 08:53 në rrugën "Teodor Keko", ka rënë zjarr në katin e gjashtë të një pallati, ku ka vetëm dëme materiale.
Sherbimet e Policisë bënë evakumin e menjëhershëm të banorëve të pallatit. Në vendngjarje ndodhen forcat zjarrfikëse të cilat po punojnë për fikjen e zjarrit. Vijon puna nga Grupi Hetimor për zbardhjen e rrethanave të ngjarjes dhe përcaktimin e shkakut të rënies së zjarrit", njofton Policia.
