TIRANË- Një zjarr ka rënë në një magazinë arkiv të Komisionit Qendror të Zgjedhjeve në Lundër, Tiranë. Mësohet se nga zjarri janë djegur disa tavolina, bateri, tela, të gjitha këto materiale të KQZ-së, por jo materiale zgjedhore si kuti apo fletë votimi arkiv.
Ndërkohë në një reagim zyrtar KQZ thotë se në magazinë ka pasur materiale të vjetra zgjedhore dhe se materialet zgjedhore të zgjedhjeve të 25 prillit janë të ruajtura në një ambient tjetër. Zjarri mësohet u shua shpejt nga ndërhyrja e zjarrfikësve dhe paraprakisht sipas policisë u tha se ka ardhur nga nxehtësia e lartë të disa baterive.
'Më datë 15.07.2021, rreth orës 19:30, në Lundër, ka rënë zjarr në një magazinë, ku ka vetëm dëme materiale. Në vendngjarje ndodhen sherbimet e zjarrfikseve të cilat kanë vënë në kontroll flakët dhe po punojnë për fikjen e tyre. Grupi hetimor po punon për sqarimin e rrethanave dhe përcaktimin e shkakut të rënies së zjarrit, ku paraprakisht dyshohet se zjarri ka ardhur nga nxehtësia e lartë të disa baterive.'- njofton policia.
Komisioni Qendror i Zgjedhjeve ka reaguar në lidhje me zjarri e rënë në një magazinë të Arkivës së Shtetit në Lundër, ku u raportuar se kishte materiale zgjedhore.
KQZ në një reagim për mediat thotë se ka patur materiale të vjetra zgjedhore dhe se materialet zgjedhore të zgjedhjeve të 25 prillit janë të ruajtura në një ambient tjetër
‘Komisioni Qendror i Zgjedhjeve informon se mbrëmjen e sotme një nga ambjentet e institucionit në Lundër është përfshirë nga zjarri për arsye që ende nuk dihen. Në ambjentet të cilat ka ndodhur incidenti ka patur materiale të vjetra të KQZ-së, të cilat janë nxjerrë jashtë përdorimit nga ana e institucionit.
Materialet, dokumentacioni zgjedhor dhe çdo gjë tjetër që ka të bëjë me zgjedhjet e 25 prillit janë të ruajtura në një ambient tjetër që nuk ka lidhje me ambinetin ku ka rënë zjarri.
KQZ ka lajmëruar mënjëherë instancat përkatësë për të marrë masat e duhura për neutralizimin e zjarrit dhe për gjetjen e shkaqeve të këtij incidenti.’- njofton KQZ.
Komente
Ketu duhet te hetoje SPAK-u Njehere bie zjarri ne hipoteke tani digjet arkiva ne Lunder.
Përgjigju