Familja Myftari në lagjen 1 të qytetit ka mbetur pa strehe pasi shtëpia e tyre u dogj plotësisht të dielën në mëngjes. Kryefamiljari Asllan Myftari rrëfen momentet e veshtira të përballjes me flakët dhe bën apel për ndihmë pasi nuk kanë të ardhura për rindertimin e banesës.
7 anëtarët e familjes Myftari aktualisht po jetojnë tek të afërmit ndërsa po përpiqen të pastrojnë shtëpinë nga sendet e shkrumbuara. Kryefamiljari dyshon se shkak për zjarrin është bërë luhatja e tensionit dhe rrjeti I amortizuar elektrik, megjithatë ekspertiza nga policia dhe zjarrikëset ende nuk ka dalë.
Banesa ku jetonte në kushte të vështira familja Myftari u shkrumbua mëngiesin e së dielës. Në ndihmë të zjarrfikëseve të Kukësit shkuan dhe ato të Prizrenit që bënë të mundur shuarjen e zjarrit dhe izolimin në mënyrë që të mos digjeshin objekte të tjera.
R.D//ReportTv.al
