Ministrja e Shtetit për Marrëdhëniet me Parlamentin, Elisa Spiropali mori pjesë në samitin e nivelit të lartë të Paqes për Ukrainën që u zhvillua në Zvicër, në Burernstock pranë Lucernës.
Përmes një postimi në facebook, Spiropali ka ndarë disa foto, ku ndër të tjera ka dhe një selfie me presidentin ukrainas Volodymyr Zelensky.
“Samiti dyditor i nivelit të lartë të Paqes për Ukrainën, organizuar këtë fundjavë në Zvicër bëri bashkë rreth 100 udhëheqës e përfaqësues nga mbarë bota dhe ia mbërriti të dakordësojë midis vendeve pjesëmarrëse parametra të përbashkët për paqen në Ukrainë, të bazuara në të drejtën ndërkombëtare dhe në Kartën e OKB-së”, theksoi Spiropali në facebook.
Ndër Shqipëria përfaqësohej në këtë samit me presidentin Bajram Begaj dhe krah tij ishte dhe ministrja Spiropali.
