Ndeshja Genoa - Juventus në Serie A , e planifikuar për të shtunën në orën 18:00 në stadiumin 'Luigi Ferraris' do të luhet me dyer të mbyllura.
Kështu ka vendosur prefekti i Genoas pas vendimeve të Vëzhguesit për ngjarjet sportive. Dispozita erdhi pas incidenteve mes tifozëve që ndodhën para, gjatë dhe pas derbit të Kupës së Italisë që u zhvillua të mërkurën në mbrëmje, aty ku Sampdoria kaloi Genoan pas penalltive.
Për shkak se ultrasit e Genoas njihen për pasionin deri në ekstrem dhe për faktin se policia e ka të vështirë të menaxhojë afro 30 mijë tifozë në stadium, erdhi vendimi për 'kyçjen' e stadiumit edhe si mësim për dhunën e së mërkurës, ku 15 tifozë u plagosën dhe dy u shoqëruan në polici.
Veç këtij dueli, masa të ngjashme priten edhe për Sampdoria-Juve Stabia, e planifikuar për të premten më 4 tetor në orën 20:30. Vendimi i fundit ende nuk është zyrtarizuar.
25/09/2024 Italy ???????? Ultras Genoa vs Ultras Sampdoria pic.twitter.com/R3365BB1cp
— ???????????????????????? ???????????????????? ???????????????????????????????? (@thecasualultra) September 25, 2024
