RROGOZHINË - Egnatia ka njoftuar në kanalet e komunikimit se mbrojtësi Emijano Musta nuk është më pjesë e ekipit. Mbrojtësi 31-vjeçar nuk ishte pjesë e të grumbulluarve nga Edlir Tetova edhe në finalen e humbur 1-0 ndaj Partizanit në Superkupën e Shqipërisë. Duket se një grindje ka bërë që elbasanasi mos e vijojë më karrierën me kryesuesit e Superligës.
"Klub Futboll Egnatia ka nderprerë me konsensus bashkëpunimin me mesfushorin Emiljano Musta duke e falenderuar për kontributin e dhënë me fanellën tonë në një sezon e gjysmë", njoftohet nga Egnatia.
Vendim i çuditshëm nga Egnatia, me Mustën që edhe sezonin e shkuar ishte një pikë e fortë në krahun e majtë dhe mund të mbulonte dy pozicione. Në 12 ndeshjet e këtij sezoni me fanellën e rrogozhinasve, Musta ka shënuar një gol. Tanimë ish-i i Kukësit, Laçit, Partizanit, Flamurtarit, apo edhe Teutës, është i lirë për të hedhur firmën me një tjetër ekip. Kujtojmë se nesër (e dielë) në orën 13:30 Egnatia pret në shtëpi Tiranën, për javën e 18-të dhe të fundit të Superligës për këtë vit.
