DURRËS- Nuk janë 1 mijë ton naftë kontrabandë e sekuestruar por janë 600 tonë naftë e sekuestruar në portin e Porto Romanos, e ardhur nga Tunizia me anije, gjatë dy operacioneve të ndërmarra e të koduara “Ari i zi’ dhe 'Ari i zi 2'.
Ndryshe nga sa u njoftua paraprakisht nga policia përmes njoftimit zyrtar, prokurorja e Durrësit ka dhënë shifrën e saktë në seancën gjyqësore që u mbajt më 15 janar 2025, në Gjykatën e Durrësit, ku dhe u bë vlerësimi i masës së sigurisë për pjesëtarët e ekuipazhit të arrestuar.
Gjykata ka dhënë arrest me burg për të dy kapitenët e anijeve dhe oficerit të parë,në të cilat u gjetën sasirat e mëdha të naftës kontrabandë. Prokurorja e çështjes Eglantina Shehu akuzoi të 6 marinarët e të dyja anijeve për fshehje dhe kontrabandë të mallrave për të cilat paguhet akcizë.
Anija Besart 2
Fillimisht gjyqtarja Besiana Garxenaj u njoh me aktakuzën për marinarët e anijes "Besart" në bordin e të cilës u gjetën 400.000 litra naftë në depot e ballastrave. Në këte anije u ndaluan kapiteni i saj Muhamet Kahila si dhe marinarët Ankit Dhul e Enea Çano. Gjyqtares së seancës iu dorëzua një akt teknik i lëshuar nga Agjencia Ndërkombëtare "Vega"me degë në Stamboll që merret me kontrollin teknik të anijeve, sipas të cilit, për shkaqe teknike, anijes i lejohej të mbushte me naftë ballastrat për të mos ndotur ujët e detrave sepse ujët e ballastrave përzihej me naftë. Kjo derisa anija të shkonte për riparim.
Por diçka e tillë nuk është konsideruar nga gjyqtarja e cila ka pranuar kërkesën e prokurores dhe ka caktoi arrest me burg për kapitenin. Ndërsa për 2 marinarët detyrim paraqitje dhe mosdalje jashtë kufijve të vendit tonë.
I arrestuar
Muhamet Kahila – shtetas sirian kapiteni I anijes - Arrest me burg
Ankit Dhul - Marinar - detyrim me paraqitje
Enea Çano – Marinar - detyrim me paraqitje
Anija Aya Zanouby
Prokurorja e çështjes Eglantina Shehu ka sqaruar se në këte anije u gjetën 200.000 mijë litra naftë kontrabandë dhe jo 600 mijë litra sa u dha në informacionon e policisë.
Më pas para gjyqtares dolën 6 marinarët e ndaluar të kësaj anije. Ata si në procesin hetimor dhe në seancën e sotme nuk dhanë asnjë sqarim për ekzistencën e e naftës në ballastrat e anijes. Oficeri i parë i anijes, Nedio Mejdani tha se kjo ishte rruga e dytë me këte anije dhe se nuk kishte dijeni për naftën në ballastra.
Në këto kushte u kërkua arrest me burg për kapitenin Muhamed Salli dhe për oficerin e parë Nedin Mejdani. Ndërsa për marinarët Wisan Brostam,Hasan Brout, Sami Shamata dhe Faez Ismail u dha masa e sigurisë detyrim paraqitje dhe mos dalje jashtë territorit të vendit tonë.
Shoqëria për të cilën punonte kjo anije nuk ju kishte siguruar avokatë mbrojtës ekuipazhit me shtetas sirianë gjë që e kreu Dhomave Avokatëve. Ndërsa Nedin Mejdani banor në qytetin e Durrësit kishte marrë avokat me përzgjedhjen e tij.
Kapiteni i anijes Muhamed Salli - 56 vjeç, kapiteni i anijes shtetas sirian - Arrest me burg
Nedin Mejdani – 34 vjeç, oficer i parë i anijes, shtetas sirian - Arrest me burg
Ëisan Brostam - 42 vjeç, ndihmës i oficerit të parë, shtetas sirian - detyrim paraqitje
Hasan Brout - 47 vjeç, shefi i inxhinierëve,shtetas sirian - detyrim paraqitje
Sami Shamata - 25 vjeç, shefi i ofiçinës, shtetas sirian - detyrim paraqitje
Faez Ismail - 23 vjeç, mirëmbajtës i pompave të naftës, shtetas sirian - detyrim paraqitje
Katër organizatorët janë në kërkim.
Juxhin Koka - Banues ne Durres
Serxha Sula - Banues ne Durres
Eduard Skora, 59 vjeç, banues në Durrës,
Florian Biba, 29 vjeç, banues në Zvicër
Komente
Nje her 100t e njeher 600t. U be kjo pun si karroca me cement eete ndjerit Lecit. Ne postimin tjeter edhe 200t do i han peshqit. Anijes smund ta fusim ne xhep por ate qe ajo fsheh brenda? Ate e peshojm me kandar dore.....
Përgjigju