Kryeministri Edi Rama i është përgjigjur deputetit britanik dhe reformatorit të Brex-it, Nigel Farage, i cili është shprehur se shqiptarët në Britaninë e Madhe janë aktorë kryesorë në kriminalitet, duke pretenduar se 1 në 50 shqiptarë në territorin anglez, janë në burg.
Kryeministri Rama sfidon deputetin britanik për një përballje shifrash reale, duke theksuar se pretendimi i Farage është i tejfryrë. "Basti" i kreut të qeverisë shqiptare shkon më tej, duke u zotuar se nëse vërtetë "1 në 50 shqiptarë" në Britaninë e Madhe, është i burgosur, atëherë ai do t'i marrë të gjithë në Shqipëri.
Postimi i plotë i kryeministrit Edi Rama:
Ooopsss… Zoti @Nigel_Farage sapo më ka sfiduar për faktet!
Çfarë nderi — për një “burrë gjigant”, siç më përshkroi ai (duke nënkuptuar, sigurisht, nga një “vend i vogël”) — të tërheq vëmendjen e virtuozit të padiskutueshëm të politikës britanike të titujve bombastikë.
Ai tha — dhe po e citoj fjalë për fjalë:
“Ja ç’të them, z. Rama, e dije që një në çdo 50 shqiptarë në Britani është në burg? Ndaj, trego pak vullnet të mirë dhe merr të gjithë mbrapsht nesër, sepse kjo është hipokrizi.”
Epo, z. Farage — më lejoni t’jua kthej sfidën me diçka jashtëzakonisht të mërzitshme për stilin tuaj: shifra reale.
Ajo që thatë, se “një në 50 shqiptarë në burg” — nuk është fakt. Është absurde. Një klasik i recetës pas-Brexit të “post-së-vërtetës”: “Nëse tingëllon frikshëm, duhet të jetë e vërtetë.”
E dini çfarë del kur i kontrollon vërtet numrat? Befasi! Edhe po të supozonim që çdo shqiptar aktualisht në burg në Mbretërinë e Bashkuar është realisht fajtor (edhe pse shumë prej tyre janë thjesht viktima të një sistemi vizash të vjetruar dhe kufizues), shkalla e kriminalitetit mes shqiptarëve në MB nuk është më e lartë se ajo e vetë popullsisë britanike — përkundrazi, ndoshta edhe më e ulët.
Tani, meqë të dy duket se e vlerësojmë “vullnetin e mirë” dhe jemi të ndjeshëm ndaj “hipokrizisë”, ja çfarë propozoj:
Të sjellim të dy shifrat tona në tavolinë. Nëse pretendimi juaj “një në 50” rezulton i saktë — unë, personalisht, angazhohem t’i marr të gjithë mbrapsht. Nuk është një titull konkurrues — është një angazhim publik.
Por nëse ajo statistikë frikësuese del të jetë thjesht karburant për tabloidë — nuk ka nevojë për falje. As për dramë. Thjesht do të vini në Shqipëri — si i ftuari im i nderit.
Do të përjetoni diell të vërtetë, mikpritje të vërtetë dhe, më e rëndësishmja, fakte të vërteta — për Shqipërinë dhe njerëzit e saj të mrekullueshëm. Dhe e vetmja gjë që do t’ju kërkoj, është një angazhim i thjeshtë publik nga ana juaj, bërë ndërsa shijoni vendin tonë: që herën tjetër kur dikush përgojon shqiptarët, të jeni i pari që t’i thoni me stilin tuaj dramatik: “Mos e bëj më!”
Pra, çfarë thoni? Një verifikim faktesh në këmbim të një deportimi total — ose një pushim i plotë, me disa nga njerëzit më të ngrohtë që do të takoni ndonjëherë. Eja, Nigel. Edhe po të humbni në faktet, do të fitoni një komb të tërë miqsh përjetë.
Po pres t’ju dëgjoj.
“Shpërthimi” i deputetit Farage ndaj emigrantëve shqiptarë, erdhi pasi kryeministri Rama gjatë një interviste për The Guardian, tha se plani i Sir Keir Starmer për të dërguar azilkërkuesit e dështuar jashtë vendit tregon se Britania post-Brexit ndodhet në “një vend shumë të errët”.
Ai argumentoi se Brexit-i e ka ndryshuar në mënyrë themelore diskursin publik britanik, duke deklaruar se “80 për qind e gjërave që thuhen, që shkruhen, apo që pranohen si pjesë normale e diskutimit në Britaninë e sotme, janë gjëra që [para Brexit-it] do të kishin qenë krejtësisht të papranueshme, krejtësisht qesharake, krejtësisht të turpshme.”
Nigel iu përgjigj komenteve të Ramës në GB News duke theksuar se “një në çdo 50 shqiptarë në Britani ndodhet në burg” dhe duke bërë thirrje për kthimin e menjëhershëm të tyre në atdhe.
“Kryeministri shqiptar na ofendon për Brexit-in dhe thotë se Britania është ‘në një vend të errët, duke kërkuar vende ku të hedhë emigrantët’. Shumë prej gjërave që themi pas Brexit-it janë bërë ‘krejtësisht të papranueshme, krejtësisht qesharake, krejtësisht të turpshme’. Si mund të na kritikojë kur ai kaloi muaj të tërë duke negociuar me kryeministren e Italisë, Giorgia Meloni? Ai kishte rënë dakord të merrte një numër të madh migrantësh që kishin kaluar Mesdheun. Në fund, nuk mori edhe aq shumë, por ato negociata i kishte bërë. Zoti Rama, a e dini që një në çdo 50 shqiptarë në Britani është në burg? Atëherë tregoni pak vullnet të mirë dhe merrini të gjithë mbrapsht nesër, sepse kjo është hipokrizi",- tha Farage.
Rikujtojmë se deputeti Farage është një ndër reformatorët e Brexi-t.
Komente
po si ve bast ky i gjati jone mire qe i ka shit trojet tona po tani ky do me sjell me zor dhe te denuarit shqiptar ore ky me duket se i be keq malli ose ka lujt nga mendorja
PërgjigjuJa pra ku shkume si popull tu tadhe bota me ne.
PërgjigjuQendrim dinjitoz i z. Rama. Komplimenti.
Përgjigju100000 jan 2000 ne burg une them jan me shume. Edi Rama eshte per tick tok vdes per i cik fame
PërgjigjuNuk jane 1 ne 50 por jane 1 ne 49.5! Do i marre te gjithe mbrapsht sikur do i coj ne shtepine e tij ne Surrel! Sikur ata mezi presin te kthehen dhe Rama po i pengon. Mbasi zgjidhu problemet e shqiperise tani po mundohet te zgjidhe edhe problemwt e Brexit.
PërgjigjuJo jo se tek ministria e jashteme do vendoset Zeqineja, ndersa tek statistika do jete Sara Mile.
Ca thu mer.. po ti paske humb rastin të punosh te instituti i statistikave dhe te ministria e jashtme
Imagjinoni te kishim popullsine e Indise. Fatmiresisht jemi popullsi e vogel sepse do e kishim bere katrahure gjithe globin or teeeejjjjj
PërgjigjuJetojn ne britani prej 30 vitesh 99 perqind e shqiptarve punojn dhe jan integruar ketu nje pakice e vogel bojn nga nje pun te paligjshme.kurse brezi i ri angleze jon niprit e robin hutit. Vjedhin pijn drogohen dhe burgjet jon plot me ato. Bravo zoti rama je njish. I ke dhon pergjigjen e duhur .dhe per ket te garantoj qe je fitus ndaj ketij rracisti. Dhe pse kam 30 vite ketu dhe kam shtetsin britaneze .nese kjo shifer esht e vertet un do jem i pari qedota lej shtetesin britaneze dhe do kthehem ne shqiperi . Por jan prallat e nacjolisti angleze. Ai esht nje rracist i kripur.
PërgjigjuGJIGAND!
PërgjigjuBravo gjigand je e do te mbetesh per Shqiptarin..Ju Zotri Keyeminister jena tu na be me u ndje krenar qe jemi Shqiptar,je mburoja jon me e mir qe e ndalon balten qe gjithkush keto vite ka hedh mbi popullin Shqiptar..Zoti te bekoft te dhent forc per gjith qka.. Me respekt Fatjoni Zvicer
PërgjigjuZoti Rama mbron Shqipërinë dhe Shqiptarët! Ndërsa krimineli,hajduti,anti Shqiptari Berishs nxinë Shqipërinë ngado që shkon .
PërgjigjuNjē respekt pēr Edi Ramēn qē i tregon vēndin plerave tē kti niveli ordiner siç ēshtē ky deputet maskara qē Uren Shqiptarēt. Shqiptarēt o pianeci anglez jan popull fisnik. Nuk jan popull pianec e drogxhi siç jeni ju.
PërgjigjuBravo Edi...në çdo vend e keqja bie në sy dhe kjo nuk do të thotë që të gjith janë të këqija...në Greqi çdo ngjarje që ndodh mediat me një herë thonë shqiptarët por kur zbardhet del e kundërta...
Përgjigju