Më shumë se 1 ore e 30 minuta për të bërë disa metra. Kjo është situata anormale për të gjithë qytetarët fatkeq që paraditen e sotme i ka rënë rruga tek hyrja e Tiranës nga ana e Durrësit, në sheshin "Shqiponja". Gjithçka thuajse është e paralizuar. Fluksi i mjeteve që hyjnë në kryeqytet nga ka krijuar një trafik të rënduar paraditen e sotme dhe situata është vërtet shqetësuese dhe shumë sfiduese për qytetarët.
Siç shihet edhe nga pamjet vargu i automjeteve është kilometrik. Edhe pse situata është jashtë çdo lloj normaliteti vihet re që forcat e policisë duken shumë pak dhe thuajse nuk rregullojnë asgjë. Nuk mjafton vetëm kjo por edhe semaforët janë të pasinkronizuar duke shkaktuar kaos edhe më shumë.
Kujtojmë se vijojnë punimet për ndërtimin e mbikalimit tek sheshi ‘Shqiponja’, ndërkohë që shumë shpejt pritet që të hapet tunelin nr.3, i cili pritet të lehtësojë trafikun në atë zonë.
