Nuk kanë të mbaruar gjyqet me futbollistët në klubin e Flamurtarit, ku thuajse të gjitha janë humbur nga klubi vlonjat. Ish futbollisti i Flamurtarit, Yll Hoxha, tashmë pjesë e Ferronikelit në Kosovë, ka fituar gjyqin ndaj klubit vlonjat sa i përket pagave të prapambetura për sezonin 2015-2016.
Faktikisht ky vendim është marrë në datën 19 prill, por nuk është bërë publik. Tashmë Flamurtari i detyrohet t’i paguajë Hoxhës rreth 10 mijë euro, së bashku me shpenzimet e gjyqit, të cilat arrijnë shifrën e 1 milion lekëve të vjetra.
Komento