Në 101-vjetprin e Shërbimit Pyjor Shqiptar, bashkia e Tiranës, ministria e Turizmit, në bashkëpunim me studentët e Universitetit Bujqësor të Tiranës, mbollën 10 mijë fidanë akacie në zonën e Shëngjergjit në kryeqytet
“I kemi prerë vetë pyjet, i kemi rrënuar lumenjtë, i kemi gërryer kodrat. Në këtë sens, po ne vetë do duhet t’i kthejmë natyrës, vendit, shoqërisë, atdheut këtë borxh",- është shprehur kryebashkiaku i Tiranës Erion Veliaj.
Veliaj dha lajmin se studentët e Universitetit Bujqësor të Tiranës, do të kenë mundësi që të kryejnë praktikat mësimore në Kopshtin Botanik.
“Duhet të kthehet e gjitha në një hapësirë që është e aksesueshme edhe për qytetarët, por edhe për studentët për të bërë eksperimente, për të pasur atë punën prodhuese, për të bërë praktikat e tyre",-tha Veliaj.
Ai nënvizoi se vendi ynë ia doli të 5-fishojë numrin e turistëve, ndaj sipas tij është momenti që ata të shohin dhe një Shqipëri të re.
Qeveria e ka shpallur 2024-2n vitin e pyjeve. Data 27 Janar e vitit 1923 është dita e dekretimit të Ligjit të parë shqiptar “Për pylltarinë shqiptare” dhe sot përkujtohet si Dita e Shërbimit Pyjor Shqiptar.
