Familja Zmalaj në fshatin Çërkezë të Tiranës jeton në varfëri ekstreme. Përpos kushteve të vështira të jetesës, 56 vjeçares, Prendë Zmalaj, e cila është invalide, edhe e deklaruar nga mjeku, i hiqet kempi duke thelluar më tepër gjendjen ekonomike të kësaj familje.
Për Prendë Zmalaj, jeta nuk është treguar fort bujare. Ajo është 56 vjeçe. Ka tre djem dhe dy vajza. Për këtë familje vështirësitë nuk njohin të sosur. Asaj i kanë mohuar të drejtën e përfitimit të kempit.
“Jam invalide, përbërja ime familjare është prej 5 vetash, 3 djemve dhe burrë e grua, kam marrë kempin më parë , dy vite i mora në Tiranë dhe kempin ma hoqën, po të isha e aftë punoja ne një fabrike këpucësh. Nuk mundem, madje jam rrëzuar në shtëpi disa herë”, tha Prenda për Report Tv.
Kjo shtëpi, ndërtuar prej vitesh nuk ka njohur rikonstruksion. Në ditët e dimrit dhe në kohë shiu, të qëndrosh brenda saj, është thuajse njësoj si të jesh në qiell të hapur.
“Çfarë bie jashtë bie brenda, po përgatisim rrobat kryesore që mos ti zërë shiu, se është hapur tavani, janë shtëpia të vjetra të para 100 vjetëve, por nuk kemi mundësi ti riparojmë se nuk kemi të ardhura, as punë asgjë nuk kemi”, shtoi 56 vjeçarja për Report Tv.
Deri më sot, kjo grua, ka forcën për të ecur përpara duke shpresuar se gjërat do të ndryshojnë, ndonëse dyert i janë mbyllur.
MOSVOTIMI PER ED RAMEN ESHTE NJE URGJENCE MBARE KOMBETARE PS RREZIK PER SHUMICEN DERMUESE TE POPULLIT DHE SIDOMOS FUKARENJTE
Përgjigju