Një rrugë e re në Tiranë do të mbajë emrin e aktorit dhe regjisorit të mirënjohur shqiptar Agim Qirjaqi, i ndarë nga jeta 11 vite më parë. Kryebashkiaku Veliaj, i dorëzoi tabelën simbolike me emrin, vëllait të tij Maks Qirjaqi duke e kujtuar si një ndër emrat ikonë që ka frymëzuar brezat e rinj.
Në 11-vjetorin e ndarjes nga jeta e tij, një rrugë e re e kryeqytetit që lidh kufirin mes Tiranës dhe Yzberishtit do të mbajë emrin e aktorit dhe regjisorit të njohur shqiptar Agim Qirjaqi. Bashkë me regjisorin Kujtim Çashku, kryebashkiaku Veliaj i dorëzoi në mënyrë simbolike tabelën me emrin e aktorit, vëllait të tij Maks Qirjaqit.
Sinkron Kryebashkikau Erion Veliaj...
“Është koha që fëmijët, teksa ecin rrugëve, të lexojnë emrat e njerëzve frymëzues, ndërsa prindërit të kenë mundësi t’u tregojnë se cili është aktori i famshëm, një qytetar i dobishëm i kombit tonë, që ka frymëzuar breza"- tha Veliaj.
"Ju falënderoj shumë, që 11 vjet pas ndarjes së Agimit nga jeta, bashkia e nderon me këtë ceremoni. Të tjerët nuk u kujtuan, por ai e ka triumfin dhe vlerën e tij atje ku është",- tha Maks Qirjaqi.
Aktori i dashur nga Kolonja i dhjetëra roleve në teatër dhe kinematografinë shqiptare Agim Qirjaqi, u nda nga jeta në moshën 59 vjeçare në 28 mars te vitit 2010.
Komente
AKTOR SHUME I MADH AGIMI,,,MERITON ME SHUME, NJE TEATER ,,APO KINEMA MUND TE MARRE EMRIN E TIJ...
PërgjigjuMe ne fund u kujtuat... Jepni tituj lloj lloj njeriu qe ne rastin me te mire nuk kane kontribut fare ne shoqeri, si puna e te ndjerit djale qe u vra nga nje punonjes policie, e ne rastin me te keq, si puna e Ylli Bakes qe frymezon shoqerine me nivele te ulta te shijes per muzike, shkurt, kontribues per uljen e nivelit kulturor te nje shoqerie.
Përgjigju