E nesërmja (27 nëntor 2022) do të jetë një ditë historike, pasi për herë të parë Kuvendi i Shqipërisë dhe Kuvendi i Kosovës do të zhvillojnë një mbledhje të përbashkët të të gjithë deputetëve.
Mbledhja do të nisë në orën 10:00, në sallën e seancave plenare ne Tiranë. Në këtë mbledhje, deputetëve do t’u adresohen kryetarja e Kuvendit të Republikës së Shqipërisë, Lindita Nikolla dhe kryetari i Kuvendit të Republikës së Kosovës, Glauk Konjufca.
Mbledhja do të vijojë me fjalimin e kryeministrit të Republikës së Shqipërisë, Edi Rama dhe fjalimin e kryeministrit të Republikës së Kosovës, Albin Kurti. Nga një fjalë përshëndetëse do të mbajnë edhe kryetarët e grupeve parlamentare të Kuvendit të Shqipërisë dhe Kuvendit të Kosovës.
Axhenda
Deputetët e VV-së, rreth orës dymbëdhjetë u mblodhën në ambientet e kuvendit të Kosovës dhe u nisën drejt Shqipërisë, ku do të mbahet seancë e përbashkët në prag të 28 nëntorit.
Shumë emocionuese këtë vizitë e cilëson shefja e grupit parlamentar të partisë në pushtet, Vetëvendosjes, Mimoza Kusari-Lila. Aktivitetet e përbashkëta po i vlerësojnë me rendësi edhe përfaqësues të tjerë të qytetareve.
Në autobusin ku ishte planifikuar të hynin rreth 40 deputetë, ajo që vërehej ishte mungesa e atyre të opozitës.
Komente
Kjo eshte nje hipokrizi e shpifur dhe per kete shkaku kryesor jane plerat Osmani, Kurti, Pis limi dhe kjo qiveri e ndyre dhe percarese e kombit nga keta ndyresira qe do te mbeten ne histori.
Përgjigju