Figurat e Ismail Kadaresë dhe Dritëro Agollit frymëzuan artistët e Bienales së Karikaturës për të realizuar live karikatura të dy shkrimtarëve. 12 karikaturistë të njohur në të gjithë botën u bënë bashkë në studion Kadare-Agolli. Realizimi i karikaturave të dy shkrimtarëve ka sigurisht vështirësinë e saj, së pari për të kapur siç duhet karakterin.
“Do shumë kohë, së pari kur mëson teknikën. Karikatura është e vështirë por për ne është mësim në proces.”, - thotë karikaturisti Endri Beqo.
Një tjetër artist e cilëson të jashtëzakonshme atmosferën.
“Është një atmosferë e jashtëzakonshme në këtë shtëpi-muze të këtyre dy autorëve shumë kyçë. Është paraqitje satirike e tij nga zemra ime.”
Edhe një tjetër e quan të magjishëm muzeun.
“Jam humorist dhe bëj ilustratorin. Është zbulim për mua ky muze i magjishëm.”
Mbi 70 artistë nga e gjithë bota ishin pjesë e Bienales Ndërkombëtare të Karikaturës “Niko Nikolla” të mbajtur në Tiranë gjatë kësaj fundjave.
Bienalja shënoi edicionin e saj të tretë, ndërsa artistët i ekspozuan punimet e tyre në Galerinë e Artit Tiranë. "Të bashkëjetosh në një botë digjitale”, si edhe portreti i politikanit Dritan Abazoviç janë dy temat mbi të cilat artistët punuan për këtë edicion. Ky aktivitet, i organizuar nga Flora Nikolla dhe “Albanian Excellence” është i pari në zhanrin e karikaturës që zhvillohet me këto permasa në Shqipëri.
