Tirane- Një kg domate apo kastravec në tregjet e qytetit të Lushnjës kushton 120 lekë, ndërsa në kryeqytet arrin çmime dyfish. Shqetësimin e ka ngritur deputeti Erjon Braçe përmes një reagimi në rrjetet sociale.
“A ka mundësi mos ta bëni baltë me çmimet, me tregtarët e kam. P marr dy produkte, domate dhe kastravec. Sot në tregun e Lushnjës domatja po shitet me 120 lekë, në çdo pikë në Tiranë me 220 lekë. Kastraveci me 120 lekë, në ço pikë në Tiranë është 200 lekë. Ej, boll i rropët njerëzit”.
Report TV bëri një vëzhgim në terren, ku konstatoi se fenomeni i “fryrjes së çmimeve” ka prekur të gjitha tregjet. Sipas zonave, etiketat tregojnë çmime të ndryshme. Në zonën e ish-Parkut të Autobusëve kastraveci shitet deri në 170 lekë kilogrami, ndërsa domatja arrin deri në 220 lekë për kilogram.
Në zonën e Komunës së Parisit dhe Liqenit Artificial çmimet janë edhe më të larta. Kastraveci arrin deri ne 210 lekë në supermarket, ndërsa domatja kap vlerën e 300 lekëve për kilogram.
Në fund, kategoria më e prekur janë konsumatorët.
“Çmimet janë shumë të shtrenjta, po shtrenjtohen shumë. Pensionet s’po ngrihen”.
“Çdo gjë është rritur, me kaq sa marrim ne s’i përballojmë dot”
Komente
PENSIONET NUK NGRIHEN,,,SE PARATE NUK VIJNE NGA QIELLI,,,ATO JANE ATY NE BUXHET,,,POR BUXHETIN E VJEDH XHAXHI RAMA ME TETA BELINDEN...//
PërgjigjuPrandaj kur jetonim ne Shqiperi,ne Tirane blinim tek fshatari ne rruge e qoshe,jo te /pazaret/ e ligjeruara nga bashkia, qe i kishin me te shtrenjta.S.d.q,po te vereni cmimet e dhena ne artikull,pasqyrojne nivelin e jeteses se banoreve te lagjeve/njesive ku jetojne,me saktesisht ish-parku i autobuzeve e liqenit artificial.,qe shkojne ne perpjesetim te drejte me cmimet e shtepive ne zone.Banoret e liqenit qe jane ne gjendje te blene shtepi ne kete zone qe jane me te shtrenjta se te ish parku i autobuzeve pritet te paguajne me shume ne tregun zonal,se sa ata te ish -parkut te autobuzeve ne tregun e tyre, ku shtepite mund te jene me te lira,pra dhe mundesite e tyre financiare me te uleta.
Përgjigju