Prokuroria e Tiranës njoftoi ditën e djeshme se 13 subjekte fiktive, në bashkëpunim me njëri-tjetrin kanë kryer një skemë mashtrimi me TVSH me dëm mbi 3 milionë euro, ndërkohë që dje janë marrë masat e për pronarë dhe administratorë të përfshirë në skemë, nga të cilët 13 janë lënë në “arrest me burg” dhe 4 në “detyrim paraqitjeje”.
Kjo skemë mashtrimi është zbuluar pas një hetimi nga ana e Administratës Tatimore, e cila ka shfrytëzuar sistemin e ri të fiskalizimit dixhital, që ka qenë një prej elementëve kyç që ka ndihmuar drejtorinë e hetimit të zbardhur gjithçka. Aksioni i finalizuar nga Prokuroria e Tiranës ka ardhur pas hetimit të thelluar nga Administrata Tatimore. Drejtoria e Hetimit, përmes metodave të specializuara dhe kryqëzimit të informacionit midis librave të shitjes dhe librave të blerjes, si edhe nëpërmjet sistemeve elektronike fiskale ka arritur të faktojë përfshirjen e 17 shtetasve të lidhur ngushtë me subjekte të përfshira në skemën kriminale.
Mbi 1.2 miliard lekë të reja fatura fiktive të lëshuara nga shoqëri tregtare, që nuk kanë ushtruar në asnjë moment aktivitet ekonomik, duke i shkaktuar shtetit një dëm financiar në TVSH dhe Tatim Fitimi prej 300 milion lekësh të reja.
“Në bashkëpunim me Prokurorinë pranë Gjykatës së Shkallës së Parë Tiranë si dhe Drejtorinë Vendore të Policisë Tiranë kanë arritur të provojnë se këto subjekte në bashkëpunim me njëri-tjetrin kanë konsumuar elementë të veprës penale “Skemë Mashtrimi në lidhje me Tatimin mbi Vlerën e Shtuar, në Bashkëpunim, parashikuar nga nenet 144/a dhe 25 e Kodit Penal”, thuhet në njoftimin e Drejtorisë së Tatimeve.
Gjithashtu, dyshohet se në këtë skemë kriminale mashtrimi janë të përfshirë persona edhe subjekte të tjera, si dhe funksionarë të Administratës Publike, për të cilët vazhdojnë hetimet dhe veprimet procedurale për të dokumentuar veprimtarinë kriminale.
Subjektet e përfshira në skemën e mashtrimit me TVSH-në dhe pronarët janë:
- “No-El Construction” me nipt L72302057R Massimiliano Carli
- “G.S Construction” me nipt M01704017D, Erigers Muça
- “Fam Construksion” me nipt L81408017V, MAURO GUADAGNOLI
- “Tirana Universal Construksione me nipt L81721022Q, Saimir Sulaj
- “Glob Construksion”, me nipt M21416014J, Vjollca Lame
- “Fredi 2021”, me nipt M11505007T, Alfred Dumi
- “Xhersi 2021”, me nipt M11705012P, Xhersi Sulaj
- “Aluku Grup”, me nipt M01922011F, Roada Ujka
- “Joam”, me nipt M12315033I, Ajet Aluku
- “Mihola”, me nipt L81616001M, Kristi Mihola administrator, pronar Nelit Mihola
- “E.L.2020 construksion”, me nipt M01420028U, Gëzim Jonuzaj
- “Amarildo Hasrama”, me nipt L61410014F, Amarildo Hasrama
- “Priam 20”, me nipt M02006001I, Besim Ruçi
