Në Ballkan, por ndoshta edhe në kontinentin evropian, nuk ka politikan më ‘fenomenal’ gafash si Lulzim Basha, kryetar i opozitës dhe si rrjedhojë pretendent për të qeverisur Shqipërinë prej tetë vitesh. Gafat e Lulzim Bashës në komunikimet e tij publike, tashmë të zakonshme, kanë pushtuar rrjetet sociale, janë objekt i vazhdueshëm ligjërimit politik si dhe ‘ushqim’ për meme, madje edhe të videove ironizuese në rrjetin e ri social ‘Tik-tok’. Janë të rralla daljes publike të Lulzim Bashës ku nuk lë pas një gafë, të cila me shpejtësi bëhet objekt humori. Ditën e sotme, gjatë një komunikimi me të rinjtë, Basha bëri gafën e radhës, teksa tha se do ta “bëjë ditën natë”, në vend që të thoshte “natën ditë”.
Basha i është referuar vargut në poezinë “Fjalët e qiririt” të rilindasit Naim Frashëri “… që t’u ap pakëzë dritë, natënë t’ua bënj ditë”, por duket ngatërruar konceptin. Zakonisht gafat më epike të Bashës kanë të bëjnë me shifra, por nuk mungojnë lapsuset dhe gafat e rënda edhe në fusha të tjera, duke konfirmuar mungesë të theksuar njohurish, por në disa raste edhe përpjekje për të manipuluar opinionin publik. Po cilat janë gafat më epike të Lulzim Bashës? 7 x 7 = 42, humbëm 8 vite në këto 4 vite, 6 në 4 biznese dalin me humbje, flamuri i Kastriotëve u ngrit në 1944, ulja e çmimit të dritave me 300 lekë për litër, janë vetëm disa nga ‘perlat’ e Lulzim Bashës.
Gafat më të famshme të Lulzim Bashës:
-Ndaj le të angazhohemi bashkarisht, kudo që të ndodheni, ta bëjmë ditën natë.
-Do ngremë bursën e energjisë (ajo u themelua në tetor të 2020)
-Angazhohem të siguroj tekste shkollore të reja falas për 350 mijë nxënës. (Librat janë falas prej 5 vitesh).
1 janar 2021
-Serbia dhe Maqedonia e Veriut kanë nisur ndërkohë vaksinimin (Maqedonia e Veriut e nisi vaksinimin në 17 shkurt)
-Shqipëria ka shënuar 8 vite të humbura gjatë këtyre 4 viteve.
-Flamuri i Kastriotëve u ngrit për herë të parë në kështjellën e tyre më 28 nëntor 1944. (Data e saktë 28 nëntor 1443).
19 nëntor 2020
-Nga akuzat ndaj meje dëmtohen 3 milionë shqiptarë në Shqipëri, plus 5 milionë në Kosovë, dhe 7 milionë shqiptarë të tjerë në gjithë botën.
2 nëntor 2020
-25 qershori data e çlirimit plagëve (zgjedhjet janë në 25 prill).
-Për ata (studentë) që vijnë me të ardhura mbi 640 milionë lekë do tu përgjysmohet tarifa.
-6 nga 4 biznese nuk nxjerrin fitim.
1 hektar x 5 = 950 hektarë.
6 shkurt 2019
-Do ulim çmimin e dritave me 300 lekë për litër.
25 nëntor 2018
-1 cm rrugë do kushtojë 2000 euro. (Me këtë çmim, 2 km bëjnë 400 milionë euro, shumëzuar me 30 m gjerësinë e unazës, i bie 12 miliardë euro, gati sa 10 herë rruga e kombit).
30 nëntor 2017
-Për 7 vjet, nga 7 milionë dollarë, 7 x 7 bëjnë 42. 49 + 36 bëjnë 95.
Komente
Nje bolekandari
PërgjigjuKe harruar dhe tjetren e atij qe tha nga 50 punetore ngelen 10, pergjigja epike e floklymit ishte iken dy domethene!
PërgjigjuOre shoku .ne 2013 premtoi per 300 dite do te mbyll aluizmin .mua aty me djeg .por si po vepron keto kohe spo shof se do bej ndonje gje .keta mostrat e tjera me keq , vaj me det fati jon
PërgjigjuO shoku ok kete se voton njeri .por cfar po premton rama? Deri tani po Ben show dhe po shan keta ,pa kuptim ata kan 8 vjet sjan ne pushtet ,po tregon se ska asgje cfar te bej me shume
PërgjigjuE keqëja e Shqipëris o vlla, as njeri e as tjetri nuk vlejn as për koment! Mjerë kombi or vlla që ma mirë nuk ka...!!!