TIRANË- Deputeti i Partisë Demokratike, Luan Baçi tha se grupimi i Enkelejd Alibeaj nuk do të mund që të nxjerrë kandidatë në të gjitha bashkitë duke e cilësuar një gjë të tillë si një tallje me demokratët. I ftuar në ‘Studio Live’ me gazetarin Arbër Hitaj, Baçi i cilësoi emrat e dalë nga Alibeaj, si ‘kandidatë kafeneje që nuk do anëtarësia’
“I ka gjetur në kafene, aman prano, se më mbrapa do kesh përfitime të mëdha, ne kemi mbështetjen e SHBA, mbështetjen e pushtetit, një pjesë të kandidatëve janë të administratës. Do dalin në gjysmat e bashki, por as listat e këshillave bashkiak nuk po i gjejnë, kanë dalë lokal më lokal”, tha Baçi.
Ai shtoi se këta emra do kenë një rezultat të turpshëm në 14 maj.
“Do kenë rezultat të turpshëm”, tha Baçi.
Në studion e Report TV, deputeti demokrat ka sqaruar edhe arsyen se përse refuzojnë bashkimin me pjesën tjetër dhe daljen me një kandidat.
“Kandidatët tanë janë zgjedhur nga institucionet partisë dhe nuk mund të zhbëhen me një marrëveshje e kryetarit. Tumnajë për të humbur gjurmën e djallëzisë së tyre. Ato nuk pranojnë se janë të kapur për veshi nga Rama”, shtoi Boçi.
Mirëpo, nga ana tjetër, Fabjan Topollaj nga Bindja Demokratike, tha se grupimi i Berishës nuk ka asnjë vullnet për bashkim.
“Ne nuk bashkohemi me ta, në gjykimin tonë ata janë mbështetës të sistemit. Nëse hapen listat bashkohemi me opozitën. Ne përfaqësojmë dhe duam të mishërojmë modelin e ndryshëm të opozitës, ne do jemi më vete, me aleatin tonë Dashamir Shehu. Ju doni bashkimin, por të jeni vetëm ju”, tha Topollaj.
Komente
Ky Topollaj a ëshzë me partinë e Ard Kollozit ??? Këta si ka njeti në tefter dhe ky thotë ne sbashkohemi me ju????????????????
Përgjigju