Nis Festivali Ndërkombëtar i Teatrove 2018 në ArTurbina. Adem Karaka, drejtor i Teatrit te Shkupit dhe Agron Myftari i Prishtinës bashkë me Hervin Çulin të Teatrit Kombëtar, çelën siparin e tij. Në të marrin pjesë 14 trupa teatrore nga Kosova, Mali i Zi dhe Maqedonia. Çuli thotë se sot Andia Xhunga dhe Bashkim Hoxha do të hynë më histori se do ngjisin në skenë shfaqjen e parë, TAG”. Ndërsa, Myftari shprehet se, ‘ne veriorët nga Kosova nuk dimë të flasim shumë veç po ose jo, se ruajmë energjinë’.
“Tirana të organizojë aktivitete të tilla, ne do ti rrimë pas”. Drejtori i Shkupit u shpreh se ndihem i privilegjuar dhe kam shpresë që vrulli i ndërtimit të skenave do të vazhdojë. “Shqipja gjithmonë ka tingëlluar bukur në ccdo cep të rruzullit ku flitet. Padyshim më bukur ka qenë në këto skenat tona”.
Ndriçim Xhepa, kryetar i jurisë u ngjit në skenë dhe u shpreh se ‘është vlerë që rifillon ky festival i teatrove se kanë nevojë qendrat tona, krijues, kostumograf, regjisor etj. Por unë do të hidhja gjysmë ideje mqs tre drejtorët janë këtu, që ky festival që rifillon ndoshta jo çdo vit, por një herë në dy vjet të bëhej se do të vinte natyrshëm që krijimtaria e trupave të rretheve njëherë në dy vjet të kenë mundësi që të zgjedhin gjënë më cilësore të tyre.
Do të ishte e padiskutueshme. Por sugjeroj që mos të mbetet vetëm në Festivalin e Tiranës, pas dy viteve të bëhet në Tiranë, në Shkup. Ndoshta nga lëvizja e skenës dhe nga ana ekonomike mund të lehtësoheshin bërja e këtyre" tha ai.
Kryetari i bashkisë së Tiranës Erion Veliaj u shpreh i lumtur që po organizon këtë Festival bashkë me Morelia-n. ‘Por sa herë bëjmë gjëra të tilla hasim faktin se njerëzit thonë që ne nuk kemi bukë të hamë. Por unë bëj pyetjen pse nuk kanë nevojë njerëzit për teatër, film etj?
Fakti që kemi bërë 700 aktivitete në vit, pyetjes së Xhepës i përgjigjem, që jemi të gatshëm qe jo vetëm të bëjmë një aktivitet teatror, por edhe shumë të tjerë. Besoj se tetari i ri është ky shembull, më pak preokupim për llaç e tulla, por me ato pak para që ne kemi të financojmë teatro si ky që ne kemi sot” tha ai.
Ndërsa ministrja e Kulturës Mirela Kumbaro theksoi në fjalën e saj se ‘Bashkë me miqtë e mi konceptuam këtë Festival mbarëkombëtar, pasi morem shtysë për vitin mbarëkombëtar të Skënderbeut’.
