1.Sopranoja Nina Muho sjell në skenë 16 këngë qytetare shqiptare të interpretuara për herë të parë me kuartet. Ky koncert, që do të mbahet në 30 qershor në orën 20:00 në Teatrin Kombëtar të Operës dhe Baletit është një mozaik emocionesh, kujtimesh dhe tingujsh që përqafojnë tabanin e çdo treve shqiptare si thesarin më të çmuar të identitetit tonë kombëtar.
2. Ekspozita “Psychomnemonic Machine” nga Theo Napoloni është ekspozita që e çelur prej mbrëmjës së 27 qershorit te Galeria e Bregdetit në Radhimë e që do të vijojë të qëndrojë e hapur deri në 22 korrik.
3. Koncerti “Monolog për violonçel” Enea Nushi do të mbahet te Teatri Kombëtar i Operës dhe Baletit në 29 qershor në orën 20:00. Të pranishmit mund të shijojnë vepra nga Ysaye, Ligeti, Hindemith dhe Cassadó.
4. “Poetika e veprës letrare të Ridvan Dibrës” është konferenca shkencore që do të mbahet te Biblioteka në Universitetin e Shkodrës “Luigj Gurakuqi”, në 30 qershor në orën 11:00.
5.Në 30 Qershor, në orën 19:00 në Kooperativën e Artit në Vaqarr mund të bëheni pjesë e një mbrëmjeje të paharrueshme teatri dhe prezantimesh skenaristike.
6. Mr Cool & Ad Disha do të interpretojnë muzikë live te “Tiki” në Green Coast, Palasë mbrëmjen e 29 qershorit.
7. “Ëndrra mbi Levando” është koncerti me Sardi Strugaj, Renis Gjoka dhe plot surpriza të tjera, që do të mbahet këtë të shtunë, në 28 qershor, në orën 17:00 në Kushovë.
Komente
