168 persona kanë rezultuar pozitiv me koronavirus në 24 orët e fundit në vend. Në total janë kryer 878 testime, ndërsa lajmi i mirë është se betejen me COVID-19 e kanë fituar 102 persona, duke e çuar në total numrin e të shëruarve që prej fillimit të pandemisë në 4633.
Fatkeqësisht në 24 orë kanë humbur jetën katër persona, një 55 vjeçare nga Tirana, një 62 vjeçar nga Lezha, një 63 vjeçar nga Librazhdi, një 85 vjeçar nga Elbasani, me sëmundje bashkëshoqëruese.
Shpërndarja gjeografike e rasteve pozitive ditore është si vijon: 76 raste në Tiranë, 15 raste në Lezhë, 13 raste në Krujë, 7 raste në Korçë, 6 raste në Kavajë, 5 raste në Shkodër, Durrës, Kurbin, Lushnje, 4 raste në Fier, Elbasan, Berat, Gjirokastër, 2 raste në Vlorë, Kamëz, Selenicë, Klos dhe nga 1 rast në Devoll, Mirditë, Librazhd, Mat, Pogradec, Malësi e Madhe, Kolonjë.
Aktualisht në spitalin Infektiv dhe "Shefqet Ndroqi" po trajtohen 164 pacientë të konfirmuar pozitivë me COVID-19, 14 në terapi intensive nga të cilët 5 pacientë janë të intubuar. Ju informojmë se në dy spitalet COVID janë gjithashtu duke marrë shërbim të specializuar 39 qytetarë të cilët kanë qenë pozitivë me COVID-19 dhe aktualisht janë negativizuar, por po vijojnë të marrin trajtim spitalor për pasojat e sëmundjes. Përveç pacientëve të konfirmuar pozitivë me COVID19, në dy spitalet COVID po vijojnë të marrin trajtim edhe pacientë të dyshuar, të cilët po trajtohen sipas protokolleve përkatëse.
COVID-19 – Statistika (26 Gusht 2020)
Testime totale 58752
Raste pozitive 8927
Raste të shëruara 4633
Raste Aktive 4031
Humbje jete 263 (Qarku Tiranë 124, Durrës 37, Shkodër 35, Elbasan 13, Fier 12, Korçë 12, Lezhë 10, Kukës 6, Vlorë 6, Dibër 4, Gjirokastër 3, Berat 1)
Shpërndarja gjeografike e rasteve aktive sipas qarqeve:
Tiranë 2037
Durrës 518
Shkodër 298
Fier 173
Lezhë 190
Korçë 201
Vlorë 143
Kukës 139
Elbasan 149
Berat 80
Gjirokastër 50
Dibër 53
Biblioteka e qytetit të Durrësit është mbyllur për shkak se një punonjëse është prekur nga koronavirusi.
Menjëherë pas lajmit për të infektuar autoritetet kanë ndërhyrë duke iu marrë tamponin të gjithë punonjësve. Deri më tani nuk dihen përgjigjet e këtyre tamponëve të marra nga Instituti i Shëndetit Publik, por masat po.
Si pasojë e rregullave të vendosura nga Ministria e Shëndetësisë biblioteka do të qëndrojë e mbyllur.
TIRANE-Një nga drejtuesit e komisariatit të policisë së Librazhdit dhe dy në Elbasan janë infektuar me COVID. Report Tv mëson se pas simptomave, zyrtari i policisë në komisariatin e Librazhdit ka bërë tamponin dhe ka rezultuar i prekur me COVID.
Gjithashtu edhe në drejtorinë e policisë së Elbasanit janë prekur me COVID dy efektivë. Më parë në drejtorinë e policisë së Elbasanit kanë qenë tetë efektivë të infektuar, të cilët janë shëruar.
TIRANË- Koronavirusi merr një tjetër jetë nga heronjtë me bluzat e bardha. Epidemiologu, Vislon Topulli nuk mundi që të triumfonte në betejën me COVID-19, dhe pse gjatë karrierës së tij është dashur që të përballej dhe shumë viruse të rrezikshme.
Prej datës 11 gusht ai ishte i shtruar në spitalin Infektiv në Tiranë. Topulli vuante nga sëmundje të tjera bashkëshoqëruese, diabet dhe hipertension. Lajmin për ndarjen e tij nga jeta në moshën 73-vjeçare dha Silva Bino, Shefja e Departamentit të Epidemiologjisë dhe Kontrollit të Sëmundjeve Infektive në ISHP, e cila në një shkrim të gjatë, ka përshkruar se si e ka njohur Topullin.
"Kjo pandemi na mori sot kolegun tone te palodhur Vilin , Vilson Topullin. Me Vilin jam njohur gjate epidemise se Koleres ne vitin 1994. Me pas punova perreth 16 vite me te. Vili ishte personi qe njihte cdo skute ne Shqiperi e njihte vendin dhe kedo qe punonte ne shendet publik. Nje njeri i palodhur. Ishte historia dhe kujtesa e ISHP ku kishte fillluar punen qysh 19 vjec. Njeriu qe kishte punuar per kontrollin e Antraksit e njihte cdo gje rreth tij, qe kishte punuar me cdo epidemi dhe kotnroll te saj ne ISHP. Vili ishte kujtesa ku eksperienca reflektohej ne cdo veprim e pune tonen nga fushata e kontrollit te Fruthit dhe Rubeoles, punes per certifikimin e Shqiperise si vend pa polio, kontrollit te sa e sa shperthimeve epidemike e fushatave vaksinimi te ndryshme. Vili qe planifikonte me kujdes dhe ruante cdo detaj ne fletore. Ne nje nga shenimet qe shkruante gjeta: Po nisem urgjentisht ne Korce me Tan Ulqinakun dhe me Irisin per nje rast vdekjeje te nje te riu 28 vjec nga nje pneumoni virale. Ishte i palodhur ishte ndihma e cdo epidemiologu te ri e te vjeter. Ishte epidemiolog i mirefillte i terrenit. Nuk mund ta dinte se vite me pas nje pneumoni e tille do ti merte jeten. Te na falesh Vili qe nuk te mbrojtem e nuk te shpetuam dot. Te qofte i lehte dheu kolegu jone i mire. Ngushellime femijeve te tu te mrekullueshem Herionit qe u perpoq ne cdo cast keto jave dhe per te cilin ti ishe aq krenar, mbesave te bukura e nipit Mario qe i doje aq shume, dhe Lajles se dashur me te cilen ishe aq i lidhur e ajo me ty", shkruan Bino.
