17 persona kanë rezultuar të infektuar me Covid-19 gjatë 24 orëve të fundit nga 336 testime të bëra në vendin tonë. Numri më i madh i tyre është në Tiranë. Fatmirësisht nuk ka pasur humbje jete. Ndërsa në të gjithë vendin, janë shëruar 7 qytetarë brenda 24 orëve të fundit.
Rastet e reja raportohen në këto bashki: 11 në Tiranë, nga 1 qytetarë në Kurbin, Durrës, Kamëz, Fier, Vlorë, Tepelenë.
Ministria e Shëndetësisë dhe Mbrojtes Sociale i bën thirrje qytetarëve të mos neglizhojnë vaksinimin anticovid dhe vaksinimin kundër gripit, për të forcuar mbrojtjen ndaj viruseve gjatë sezonit të dimrit.
Vaksinimi anticovid dhe i gripit kryhet në qendrat shëndetësore në të gjithë vendin. Vaksinat reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Janë 155 qytetarë aktivë me Covid19 në të gjithë vendin. Aktualisht në spitalin COVID3 po merr trajtim 1 pacient.
Statistika ( 4 Dhjetor 2022)
Raste të reja ditore 17
Të shëruar në 24 orë 7
Të shtruar në spitale 1
Humbje jete në 24 orë 0
Testime ditore 336
Testime totale 2,010,606
Raste pozitive 332,294
Raste të shëruara 328,545
Raste Aktive 155
Humbje jete 3,594
Shpërndarja gjeografike e rasteve aktive sipas qarqeve:
Tiranë 118
Gjirokastër 12
Fier 5
Berat. 4
Shkodër 3
Vlorë 3
Lezhë. 3
Durrës. 3
Elbasan. 2
Korçë. 2
