Si pasojë e veprimit të agjentëve atmosferikë janë dëmtuar rreth 1700 rrënjë me pisha. Drurë të shkulur dhe të thyer sheh kudo në këtë park. Vitin e kaluar Krasta u përfshi nga një zjarr i fuqishëm i cili dogji qindra rrënjë me pisha dhe sipërfaqe me shkurre. Por për fat të keq, dëmtimi vazhdon.
Drejtori i shërbimit pyjor në Bashkinë e Elbasanit Shpëtim Çullhaj thekson faktin se janë duke marrë masa për heqjen e pishave të dëmtuara nga aty.
Në prespektivë është parashikuar që aty të kryhen projekte të tjera. Por detyrë imediate mbetet mbrojtja dhe pasurimi i pyllit me fidane të rinj në mënyr që pjesa e dëmtuar të rivitalizohet. Por dëmtimet e vitit të kaluar akoma nuk janë marrë asnjë masë për të mbjellë fidane të rinj, e ndërsa premtime vijojnë afati se kur do të ndodh kjo ende nuk ka një datë.