Çekia ka regjistruar shifra të larta infektimesh nga koronavirusi. Mësohet se 20,000 qytetarë kanë rezultuar pozitivë me COVID në 24 orët e fundit. Kjo është shifra më e lartë e regjistruar në Çeki prej 1 dhjetorit të vitit 2021.
Republika Çeke, shtet me 10.7 milionë banorë, po përballet me një valë të re të pandemisë, teksa varianti Omicron i koronavirusit ka nisur që të rrisë numrin e të infektuarve.
Qeveria ka shkurtuar periudhën e karantinës dhe izolimit, si pjesë e masave të reja. Megjithatë, autoritetet çeke e kanë bërë të detyrueshme testimin e punëtorëve të kompanive, masë kjo që hyri në fuqi këtë javë.
Komento
