President Ilir Meta i ka dërguar një letër homologes greke, Katerina Sakellaropoulou me rastin e 200-vjetorit të Pavarësisë së Greqisë.
Kreu i shtetit ka uruar homologen grek, duke theksuar se beson se partneriteti strategjik mes dy vendeve tona mbetet një platformë e sigurt për forcimin dhe zgjerimin në të ardhmen, të marrëdhënieve dypalëshe.
Në mesazhin e tij Meta shpreh mirënjohjen, për mbështetjen që Greqia ka dhënë dhe vazhdon të japë në procesin e integrimit europian të Shqipërisë.
Postimi i plotë:
E nderuar Zonja Presidente e Republikës Helenike, Shkëlqesia Juaj, Katerina Sakellaropoulou,
Me rastin e kremtimit të dyqind vjetorit të Ditës së Pavarësisë së Republikës Helenike, kam kënaqësinë të shpreh, në emër të popullit shqiptar dhe në emrin tim personal, urimet më të përzemërta e miqësore për popullin mik e fqinj grek dhe për Ju personalisht, si dhe më shumë begati e zhvillim për vendin Tuaj të bukur.
Jam shumë i lumtur që, dy vendet dhe dy popujt tanë, gjeografikisht pranë, ndajnë gjithnjë e më shumë vlera, por edhe sfida, histori por edhe vizion për të ardhmen, përpjekje të përbashkëta në forcimin edhe më tej të marrëdhënieve historikisht miqësore dhe vullnet për vendosjen e tyre në shtratin e shëndoshë të vlerave europiane dhe të sinergjive euroatlantike.
Shpreh besimin se partneriteti strategjik mes dy vendeve tona mbetet një platformë e sigurt për forcimin dhe zgjerimin në të ardhmen, të marrëdhënieve dypalëshe, e njëkohësisht, si dy vende anëtare të NATO-s, ai është një forcë e shtuar në dobi të paqes, stabilitetit dhe sigurisë në rajonin tonë, në Mesdhe dhe në botë.
Dëshiroj t’Ju shpreh mirënjohjen, zonja Presidente, për mbështetjen që vendi juaj ka dhënë dhe vazhdon të japë në procesin e integrimit europian të Shqipërisë e t’Ju siguroj se vendi dhe populli im mbetet i palëkundur në zgjedhjen dhe qëllimin e tij strategjik kombëtar: anëtarësimin me të drejta të plota në Bashkimin Europian.
Në këtë përvjetor të shënuar për popullin tuaj, dëshiroj të theksoj se, kontributi i vyer, si i minoritetit grek në Shqipëri ashtu edhe i komunitetit shqiptar në Greqi, pasurojnë, shëndoshin, zhvillojnë e forcojnë çdo ditë miqësinë tradicionale dhe bashkëpunimin afatgjatë mes popujve tanë.
Jam i bindur se, edhe në këto ditë të vështira të pandemisë së Covid-it, jo vetëm për popujt dhe vendet tona, por për të gjithë njerëzimin, shqiptarët dhe grekët, do të tregojnë më shumë solidaritet e miqësi, më shumë dashuri, më shumë pozitivitet dhe bashkëpunim, në krah të njëri-tjetrit, si fqinjë të hershëm dhe të përhershëm të gadishullit të vjetër ballkanik.
Me sigurinë për vullnetin tim të palëkundur në forcimin e marrëdhënieve midis vendeve dhe popujve tanë dhe shtrirjen e tyre në të gjitha fushat me interes të ndërsjellë, Ju lutem pranoni, e nderuara Zonja Presidente, shprehjen e konsideratës sime më të lartë!
Komente
200 vjetori i genocidit antiShqiptar dhe e Sfagjios Greko -ruso orthodokse, Pseudo Greqia në Trojet Arbanitase!
PërgjigjuArnaut selxhuk, duket që je nje pjellë e bashibozukeve terrorist islamist arnavut që ishin bashke me selxhuket turq dhe se të dhemb akoma shpartallimi i kalifatit osman nga kryengritja Greke!