Një ditë pasi emisioni ‘Pa Gjurmë’ në Report Tv zbuloi ngjarjen e rëndë të 22-vjeçares nga Kenia që u gjet në gjendje kritike në trotuarin e pallatit ku banonte, vjen reagimi nga policia e Shtetit. Rreth 3 muaj pas ngjarjes, forcat blu thonë se ishte shoqja e saj që bëri denoncimin më 14 gusht se kishte humbur kontaktet dhe nisën menjëherë hetimet.
Gjithashtu sqarojnë se është regjistruar cështja në Prokurori për veprën penale “Plagosja e rëndë me dashje”. Ditën e djeshme, në emisionin ‘Pa Gjurmë’ foli nëna e vajzës 22-vjeçare duke thënë se e bija punonte në kazino dhe pretendon se e hodhën nga ballkoni.
Ndërsa e bija ndodhet në gjendje kritike, nëna R.A., thotë se vajza u zhduk papritur rreth orës 03:25 deri në orën 07:00 të mëngjesit për t’u gjetur më vonë në trotuar. Ajo punonte në një Apex pranë stadiumit 'Air Albania'.
Pasi u dërgua në spital, mjekët thanë se kishte tre brinjë e kocka të thyera, lëndime në dorë e stomak dhe dëmtime në tru. Nëna e saj R.A, një muaj pas ngjarjes u njoftua nga kompania ku ishte e punësuar e bija dhe që nga momenti që mbërriti nga Kenia spitali është kthyer në shtëpinë e saj.
E bija ndodhet ende në gjendje të rëndë, ndërsa mbahet në jetë përmes aparaturave. Ende e shokuar, ajo shprehej e bindur se dikush tjetër fshihet pas kësaj ngjarje.
Komente
E kane torturuar dhe e kane hedhur gjysem te vdekur nga ballkoni!!! Tingellon me teper si cerdhe e fshehte prostitucioni me kazinon si fasade.Beni nje kontroll te imtesishem,cfare bejne,kush e ka,kush ka qene e kaluara e pronareve,etj.
PërgjigjuAkoma e mbani ne pune ate Lorenc Panganiken qe eshte ne borderone e nipave vrases te Kolomb Belles?
PërgjigjuE tmerrshme.. sherim te shpejte..o Zot sa gjynah..
PërgjigjuAmani more njeres,policia rrumbullake eshte gjithnje ne krye te detyres.....ça prisni ju mor merhumë? Akoma prisni prej saj?!?!
PërgjigjuPolicia paska pritur denoncimin nga shoqja apo familjaret pas tre muajsh. Po mjeket nuk e kane denoncuar rastin!? Kush e dergoi ne spital?! Po ai polici qe rri gjithnje tek trauma pse nuk e denoncoi se ata edhe kur vritesh vete ta sjellin ne maje te hundes me pytje e lloj lloj marifetesh demode. Era krim shteteror per se dyti.