INDI- Të paktën 26 persona kanë humbur jetën nga përmbytjet në Indinë jugore, mes tyre edhe 5 fëmijë, pasi shirat e dendur shkaktuan daljen e lumenjve, duke përmbytur kështu qytete edhe fshatra.
Ndërsa orët kalojnë dhe ekipet e shpëtimit po punojnë intensivisht ndërsa po luftojnë më kohën dhe motin e keq, frika se numri i viktimave do të vijë duke u rritur bëhet dhe më e madhe, kjo pasi numri i personave të zhdukur është relativisht i lartë.
Kottayam dhe Idukki janë dy nga zonat më të prekura për sa i përket pasojave fatale të shirave ditët e fundit në Indi, që kanë përpirë dhjetëra shtëpi.
Mijëra njerëz janë evakuuar në të gjithë vendin dhe 184 kampe janë ngritur ku po ndihmohen mbi 8 mijë persona duke iu siguruar ushqim, një vend të ngrohtë për të fjetur dhe veshje.
Në ndihmë i ka hyrë edhe qeveria personave të prekur, duke njoftuar se person q ka humbur shtëpinë gjatë kësaj tragjedie do të shpërblehet.
Pamjet të cilat po qarkullojnë orët e fundit në rrjet janë vërtet dramatike.
