TIRANË- Tradita është që dritat e pemës së Vitit të Ri të ndizen në datën 6 dhjetor, por situata e krijuar nga COVID-19, ka bërë atmosfera festive të 'vijë' më herët në çdo shtëpi, por edhe shesh. Nuk kishte si të ndodhte ndryshe edhe në Shqipëri, ku ditën e sotme janë ndezur dritat e pemës gjigante të vendosur në sheshin 'Skëndërbej'.
Panorama nuk i ngjante aspak viteve të kaluara, pa një kor të madh festiv të fëmijëve të vegjël, pa shumë njerëz që shihni gjithë kërshëri...COVID-i i zbehu bukurinë edhe këtij momenti, por që tashmë duket se të gjithë jemi mësuar të sakrifikojmë për të mirën e shëndetit. Dritat janë ndezur nga 10 fëmijë të vegjël, aq sa lejon vendimi i Ministrisë së Shëndetësisë ku kënduan këngët e Krishtlindjeve dhe të Vitit të ri.
Kryebashkiaku Erion Veliaj mbajti një fjalim të shkurtër falenderimi.
“Ky ka qenë një vit pazakontë, ndoshta viti më i vështirë në historinë 100-vjeçare të Tiranës kryeqytet. E megjithatë jeta vazhdon, e megjithatë dielli lind çdo mëngjes, e megjithatë pas vështirësive ne çohemi sërish në këmbë për të ecur përpara. Ndaj, këtë fundvit duhet të merrnim një vendim, nëse do të vazhdonim me festën, nëse do të vazhdonim me zbukurimin e qytetit, nëse do të vazhdonim me harenë dhe vendosëm që “po” . Për hir të fëmijëve, për hir të atyre që nuk kanë bërë asnjë mëkat dhe që meritojnë të gëzojnë edhe këtë fundvit. Unë e di që ky vit prej tërmeteve, prej pandemisë ka qenë shumë i vështirë për shumë familje. Disa kanë humbur shtëpinë, disa kanë humbur të afërmit e tyre, disa të tjerë janë ende duke vuajtur pasojat e COVID-it ose duke u përballur në frontin e parë të kësaj beteje. E megjithatë duhet të japim mesazhe shprese të një Tirane që nuk përkulet, të një qyteti që ecë përpara, të një komuniteti që bëhen bashkë si në ditët e vështira ashtu dhe në ditët e gëzimit. Prej protokollit të pandemisë shumë aktivitete janë ndaluara, shumë tubime, shumë festa, shumë organizime me njerëz janë gjithashtu të ndaluara. Kjo është arsyeja pse sot sheshit “Skëndërbej” në këtë ndezje të dritave të festave ua kemi lënë 10 vogëlushëve, sa është numri që lejohet në çdo aktivitet. Shumë gjëra janë ndaluar këtë fundvit, por nuk është ndaluar dashuria, nuk është ndaluar mirësia, nuk është ndaluar bamirësia, nuk është ndaluar solidariteti. Ndaj duhet të gjejmë kurajo për t’u ngritur bashkë përtej vështirësive për t’i qenë pranë atyre që kanë nevojë ose për të inkurajuar ata që edhe këtë fundvit do të jenë në frontin e parë të betejave tona të rëndësishme si pandemia apo i gjithë procesi i rindërtimit. Gëzuar festat", tha Veliaj.
Krahas Sheshit “Skënderbej”, godinat pranë tij dhe në rrugët kryesore të Tiranës, janë mbushur plot me drita dhe me zbukurime duke sjellë edhe pak lumturi në ditë të vështira, të mbushura me shqetësimin nga pandemia e koronavirusit.
Kryeministri Edi Rama ka zgjedhur që urimin e tij në ditën q ëu ndezën dritat e Pemës së Vitit të Ri ta bëjë me një mesazh. Një mesazh që shkon për të respektuar masat anti-COVID, për të shëndetin e të gjithëve.
"Duke uruar të keni pasur një fundjavë të qetë Ju lutem, të gjithëve, që në këtë atmosfere festash t’i kushtojmë̈ qëndrimit në shtëpi, me fëmijët e prindërit, sa më shumë kohë të jetë e mundur përtej detyrimeve të punës së secilit dhe ta vemë mbrojtjen e shëndetit mbi çdo dalje jo të domosdoshme nga shtëpia", shkruan Rama.
Komente
Sa do nxihet tabakhonja e shqupit kur ta shohe Tiranen si nuse te zbukuruar nga Lali Eri
PërgjigjuKoha e lali erit ka mbaruar. Mos e promovoni me. Eshte kohe pa thelb vetem propagande. Mjafton te shifni betoniere me shume se sa makina ne rruget e Tiranes per ti vene kryqin kesaj metode te ofruar nga lali eri. Drejtohuni diku tjeter me mire.
PërgjigjuPer kto ska covid...
PërgjigjuSka peme per vit te ri ajo u shpik nga diktatura e Enver Hoxhes qe kishin ndalu fene me urdher.Ajo quhet PEMA KRISHTLINDJES ne gjithe Evropen e Krishtere.
PërgjigjuKyt deshta me komentu edhe une! Bravo
Shume koment i sakte,Christmas tree.
o pleh, i ke thy krej rregullat e coviti apo per ty nuk ekzistojne ligje
Përgjigjumenyra me e sigurte per te mos ifektuar jane masat mbrojtse : distance maske , larje duarshe , dhe shmangja e vendeve publike..Rruge tjeter nuk ka.Kush kuptoi , kuptoi , kush e hengri , e hengri..
Përgjigju